ସିଡ୍ନୀ: ମରୁଡ଼ିଗ୍ରସ୍ତ ଦକ୍ଷିଣ ଅଷ୍ଟ୍ରେଲିଆରେ ଜନଜାତିଙ୍କ ପ୍ରତି ବିପଦ ସାଜିଥିବା ଓଟମାନଙ୍କ ସଂହାରଲୀଳା ଆରମ୍ଭ ହୋଇସାରିଛି। ଆକାଶମାର୍ଗରୁ ଗୁଳି କରି ଏଭଳି ୫୦୦୦ ଓଟକୁ ମରାଯାଇସାରିଲାଣି ବୋଲି ମଙ୍ଗଳବାର ସୂଚନା ମିଳିଛି।
ସ୍ଥାନୀୟ ଆଦିବାସୀ ନେତାଙ୍କ କହିବା ଅନୁଯାୟୀ, ବାହାରୁ ଆସିଥିବା ଏହି ଓଟସବୁ ମରୁଡ଼ି ଓ ଅତ୍ୟଧିକ ଗରମ କାରଣରୁ ପ୍ରପୀଡ଼ିତ ଆଦିବାସୀଙ୍କ ଅଞ୍ଚଳକୁ ମାଡ଼ି ଆସିଛନ୍ତି। ଏମାନେ ଖାଦ୍ୟ ଓ ପିଇବା ପାଣି ଉପରେ ପ୍ରଭାବ ପକାଇବା ସହ ବିଭିନ୍ନ ସ୍ଥାନରେ ଭଙ୍ଗାରୁଜା କରୁଥିବା ଅଭିଯୋଗ ହେଉଛି। ରାସ୍ତାରେ ମଧ୍ୟ ସମସ୍ୟା କରୁଥିବା ସେମାନେ କହିଛନ୍ତି।
ସୂଚନାଯୋଗ୍ୟ ଯେ, ଦକ୍ଷିଣ ଅଷ୍ଟ୍ରେଲିଆର ‘ଆନାଙ୍ଗୁ ପିଟ୍ଜାଣ୍ଟଜାଟ୍ଜାରା ୟାକୁନିଜାଟ୍ଜାରା’ ବା ଏପିୱାଇ ଅଞ୍ଚଳରେ ୨,୩୦୦ ଆଦିମ ଜନଜାତି ରୁହନ୍ତି। ଏପିୱାଇ ଜେନେରାଲ ମ୍ୟାନେଜର ରିଚାର୍ଡ କିଙ୍ଗଙ୍କ କହିବା ଅନୁଯାୟୀ, ସେ ବନ୍ୟଜନ୍ତୁଙ୍କ ଅଧିକାର ବାବଦରେ ଜାଣନ୍ତି। କିନ୍ତୁ ଏହିବାହାର ଜନ୍ତୁଙ୍କ ପାଇଁ ଜୀବନ କେତେ ପ୍ରଭାବିତ ହୋଇଛି ତାହା ବାବଦରେ ସମସ୍ତେ ଭୁଲ ତଥ୍ୟ ଦେଉଛନ୍ତି। ସେ କହିଛନ୍ତି, ଏହି ଅଞ୍ଚଳର ସୁରକ୍ଷାଦାତା ହିସାବରେ ଆମକୁ ସ୍ଥାନୀୟ ଲୋକଙ୍କ ପାଇଁ ପାଣିର ସୁରକ୍ଷା ଦେବାକୁ ହେବ। ଯୁବବର୍ଗ, ବୟସ୍କ ଏବଂ ସର୍ବୋପରି ଏଠାକାର ଜୀବଜନ୍ତୁଙ୍କ କଥା ପ୍ରଥମେ ଚିନ୍ତା କରିବାକୁ ହେବ।
୧୮୪୦ ମସିହାରେ ପ୍ରଥମେ ଅଷ୍ଟ୍ରେଲିଆକୁ ଓଟ ନିଆଯାଇଥିଲା। ଏହି ଉପମହାଦେଶକୁ ଭାରତରୁ ୬ ଦଶନ୍ଧିରେ ୨୦,୦୦୦ ଓଟ ନିଆଯାଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
