କଙ୍ଗନା-ଶିବସେନା ବିବାଦ: ପାଓ୍ୱାରଙ୍କୁ ଭେଟିଲେ ଉଦ୍ଧବ ଏବଂ ସଞ୍ଜୟ ରାଉତ

ମୁମ୍ୱାଇ: ବିଏମସି କଙ୍ଗନା ରଣାଓ୍ୱତଙ୍କ ଅଫିସ ଭାଙ୍ଗିବା ପରେ ମହାରାଷ୍ଟ୍ରର ଶାସକ ଦଳ ଶିବସେନା ଏବଂ କଙ୍ଗନାଙ୍କ ମଧ୍ୟରେ ବିବାଦ ବଢ଼ି ଚାଲିଛି। ଯାହାକୁ ମେଣ୍ଟ ସରକାରରେ ପ୍ରମୁଖ ଭୂମିକା ଗ୍ରହଣ କରୁଥିବା ଏନସିପି ସୁପ୍ରିମୋ ଶରଦ ପାଓ୍ୱାର ମଧ୍ୟ ନାପସନ୍ଦ କରିଛନ୍ତି। ଏହାରି ଭିତରେ ମହାରାଷ୍ଟ୍ର ସରକାରର ଆଭିମୁଖ୍ୟକୁ ନେଇ ନାନା ପ୍ରଶ୍ନ ଉଠିଛି। ଯାହାକୁ ନେଇ ଶରଦ ପାଓ୍ୱାର ମୁଖ୍ୟମନ୍ତ୍ରୀ ଉଦ୍ଧବ ଠାକରେ, ଶିବସେନା ନେତା ସଞ୍ଜୟ ରାଉତଙ୍କ ସହ ବୈଠକ କରିଛନ୍ତି।

ଜାତୀୟ ଗଣମାଧ୍ୟମ ଇଣ୍ଡିଆ ଟିଭିର ରିପୋର୍ଟ ଅନୁଯାୟୀ ଶରଦ ପାୱାର କହିଛନ୍ତି ଯେ କଙ୍ଗନା ରଣାୱତଙ୍କ ମନ୍ତବ୍ୟକୁ ସରକାର ଅଣଦେଖା କରାଯିବା ଉଚିତ୍ ଥିଲା। ଯଦି ଏହା ହୋଇଥାନ୍ତା ତାହେଲେ ପ୍ରସଙ୍ଗ ଏତେ ବାଟ ଯାଇନଥାନ୍ତା।

ରିପୋର୍ଟ ଅନୁଯାୟୀ, ଉଦ୍ଧବ ଠାକରେ ଶରଦ ପାୱାରଙ୍କୁ କହିଥିଲେ ଯେ କାର୍ଯ୍ୟାନୁଷ୍ଠାନ ଗ୍ରହଣ କରିବା ଆବଶ୍ୟକ ଥିଲା। ମହାରାଷ୍ଟ୍ର ସରକାର କ୍ରମାଗତ ଭାବେ ଟାର୍ଗେଟ ହେଉଛନ୍ତି। କଙ୍ଗନାଙ୍କୁ ପ୍ରସଙ୍ଗ କରି ବିଜେପି ମହା ବିକାଶ ଅଘାଡ଼ି ସରକାରଙ୍କୁ ଅପମାନିତ କରୁଛି। ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ, କରୋନା ଭାଇରସ୍ ମହାମାରୀ ଏବଂ ପାଲଘର ଲିଞ୍ଚିଂ ଭଳି ମାମଲାରେ ମଧ୍ୟ ବିଜେପି ମେଣ୍ଟ ସରକାରକୁ ବଦନାମ କରିବାକୁ ଚେଷ୍ଟା କରୁଛି।

ରିପୋର୍ଟ ଅନୁଯାୟୀ, ଉଦ୍ଧବ ଠାକରେ କହିଛନ୍ତି ଏହାଦ୍ୱାରା ଲୋକଙ୍କ ଆଗରେ ସରକାରର ଭାବମୂର୍ତ୍ତି କ୍ଷୁର୍ଣ୍ଣ ହେଉଛି। ତେବେ ଶରଦ ପାୱାର ଉଦ୍ଧବ ଠାକରେଙ୍କ କାର୍ଯ୍ୟକୁ ସମର୍ଥନ କରିଥିଲେ କିନ୍ତୁ ଏଥି ସହିତ କଠୋର ପଦକ୍ଷେପ ଗ୍ରହଣ କରାଯିବା ଉଚିତ ନୁହେଁ ବୋଲି କହିଥିବା ସୂଚନା ରହିଛି।

ଆହୁରି ପଢ଼ନ୍ତୁ

ରାଜ୍ୟସଭାରେ ବିରୋଧୀଙ୍କ ଆଚରଣ ସଂସଦର ଗାରିମାକୁ ନଷ୍ଟ କରିଛି: ରାଜନାଥ

ରାଜ୍ୟସଭା ଉପାଧ୍ୟକ୍ଷ ହରିବଂଶଙ୍କ ବିରୋଧରେ ଅବିଶ୍ୱାସ ପ୍ରସ୍ତାବ ଆଣିଲେ ବିରୋଧୀ

ଭାରତୀୟ କୂଟନୀତିଜ୍ଞଙ୍କୁ ଭିସା ଦେଲାନି ପାକିସ୍ତାନ

ଶତକୀୟ ବିଜୟ ସହ କ୍ୟାପଟେନ୍ କୁଲଙ୍କ ସଫଳ କମ୍ ବ୍ୟାକ୍

କୃଷି ବିଲ୍‌କୁ ବିରୋଧ କଲା ବିଜେଡି

ଆଉ ୧୦ ଜଣଙ୍କ ଜୀବନ ଗଲା, ରାଜ୍ୟରେ କରୋନା ଜନିତ ମୃତ୍ୟୁ ସଂଖ୍ୟା ୭୦୦ ଟପିଲା

ଆରମ୍ଭ ମ୍ୟାଚରେ ହାରିବା ପରେ ଖୁସି ହୋଇଗଲେ ମୁମ୍ୱାଇ ଇଣ୍ଡିଆନ୍ସ ଫ୍ୟାନ୍ !

ରୋମାଞ୍ଚକର ବିଜୟରୁ ଆଇପିଏଲ ଆରମ୍ଭ କଲା ଚେନ୍ନାଇ

ବାଇକ୍‌ ଉପରେ ଚଢ଼ିଗଲା ସ୍କର୍ପିଓ, ରାସ୍ତାରେ ଚାଲିଗଲା ଦୁଇ ଯୁବକଙ୍କ ଜୀବନ

ଆଇପିଏଲରୁ କ୍ୟାରିଅର ଆରମ୍ଭ କଲେ ଓଡ଼ିଆ ପୁଅ

ଏଥର ବିଧାନସଭାର ଅନୁମୋଦନ ପାଇଁ ଆସିବ ୧୨ଟି ଅଧ୍ୟାଦେଶ

ମୁମ୍ବାଇ ଇଣ୍ଡିଆନ୍ସକୁ ୧୬୨ ରନରେ ଅଟକାଇଲା ଚେନ୍ନାଇ