ଅମରନାଥ ଯାତ୍ରାର ସୁରକ୍ଷା ବ୍ୟବସ୍ଥା ଯାଞ୍ଚ କଲେ ଗୃହମନ୍ତ୍ରୀ

ଜାମ୍ମୁ: ଗୃହମନ୍ତ୍ରୀ  ରାଜନାଥ ସିଂ ଆଜି  ଅମରନାଥରେ ପହଞ୍ଚି  ଅମରନାଥ ଯାତ୍ରା ପାଇଁ ସୁରକ୍ଷା ବ୍ୟବସ୍ଥା ଓ  ଶ୍ରଦ୍ଧାଳୁଙ୍କ ରହିବା ବିଷୟରେ ପଚାରି ବୁଝିଥିଲେ। ‌ଏହାସହ ସେ ଟ୍ୱିଟରରେ ଅମରନାଥ ଯାତ୍ରାର ଫଟୋ ସେୟାର କରିଥିଲେ।

ସେ କହିଛନ୍ତି, “ଅମରନାଥର ସୁରକ୍ଷା ବ୍ୟବସ୍ଥାକୁ ନେଇ ମୁଁ ସନ୍ତୁଷ୍ଟ । ଜାମ୍ମୁ-କାଶ୍ମୀରରେ କିଛି ଦିନ ହେବ କିଛି ଆତଙ୍କୀ ଘଟଣା ଘଟିଛି। ଏହାକୁ ଡରିବାର କିଛି  କାରଣ ନାହିଁ। ଆତଙ୍କବାଦୀଙ୍କ ମୁକାବିଲା ପାଇଁ ଆମେ ପ୍ରସ୍ତୁତ ଅଛୁ।”

ସେ ଆହୁରି କହିଛନ୍ତି, “ମୁଖ୍ୟମନ୍ତ୍ରୀ ମେହବୁବା ମୁଫ୍‌ତି  ଜାମ୍ମୁ ଓ କାଶ୍ମୀର ବିକାଶ ପାଇଁ କାମ କରୁଛନ୍ତି। ମୁଫ୍‌ତି  ଜାମ୍ମୁ ଓ କାଶ୍ମୀର  ସୁରକ୍ଷା ପାଇଁ ଯେଉଁ ପଦକ୍ଷେପ ନେଇଛନ୍ତି, ମୁଁ ସେଥିରେ ବହୁତ ଖୁସି।”

ନିଜ ଗସ୍ତ କାଳରେ  ଗୃହମନ୍ତ୍ରୀ ବାବା ବର୍ଫନିଙ୍କ ଦର୍ଶନ କରିଥିଲେ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।