ନୂଆଦିଲ୍ଲୀ: ବାୟୁସେନାରେ ବିଧିବଦ୍ଧ ଭାବରେ ସାମିଲ୍ ହେବ ଆମେରିକା ନିର୍ମିତ ଆପାଚ୍ ହେଲିକପ୍ଟର । ସେପ୍ଟେମ୍ୱର ୩ରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ପଠାନକୋଟରେ ଏହାକୁ ସାମିଲ୍ କରାଇବେ। ଭାରତ ୨୨ଟି ହେଲିକପ୍ଟର ପାଇଁ ବରାଦ ଦେଇଥିଲା। ଏଥିରୁ ୪ଟି ହେଲିକପ୍ଟରକୁ ଆମେରିକା ପ୍ରମୁଖ ବିମାନ କମ୍ପାନୀ ବୋଇଂ ଜୁଲାଇ ୨୭ରେ ଭାରତକୁ ହସ୍ତାନ୍ତର କରିଥିଲା। ୨୦୧୫ରେ ମୋଦି ସରକାର ଆମେରିକା ସହିତ ୨୨ଟି ଏଚ୍-୬୪ଇ ହେଲିକପ୍ଟର ନେଇ ଚୁକ୍ତି କରିଥିଲେ।
ବାୟୁସେନା ମୁଖ୍ୟ ମାର୍ଶାଲ ବିଏସ୍ ଧାନୋଆ ମୁଖ୍ୟ ଅତିଥି ଭାବେ ସେପ୍ଟେମ୍ବର ୩ କାର୍ଯ୍ୟକ୍ରମରେ ଯୋଗ ଦେବେ। ଏହି ଏଚ୍-୬୪ଇ ହେଲିକପ୍ଟର ବିଶ୍ୱର ଅତ୍ୟାଧୁନିକ ହେଲିକପ୍ଟର ମଧ୍ୟରୁ ଅନ୍ୟତମ। ଆମେରିକା ସେନା ଏହି ହେଲିକପ୍ଟର ବ୍ୟବହାର କରିଥାଏ।
ଭାରତୀୟ ବାୟୁସେନା ପାଇଁ ଗତବର୍ଷ ଜୁଲାଇରେ ଏଚ୍-୬୪ଇ ପ୍ରଥମଥର ପାଇଁ ସଫଳ ଉଡ଼ାଣ ଭରିଥିଲା। ଏହି ଅତ୍ୟାଧୁନିକ ବିମାନକୁ ଚଳାଇବା ପାଇଁ ଗତବର୍ଷ ବାୟୁସେନାର ଏକ ପାଇଲଟ୍ ଦଳ ଆମେରିକା ଯାଇ ପ୍ରଶିକ୍ଷଣ ନେଇଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
