ନୂଆଦିଲ୍ଲୀ:ହାଇଦ୍ରାବାଦରୁ ଗିରଫ ୫ ଜଣ ଆଇଏସ୍ ସନ୍ଦିଗ୍ଧଙ୍କ ସମ୍ପର୍କ ଆଇଏସ୍ ମୁଖ୍ୟ ବାଦ୍ଦାଦିଙ୍କ ସହିତ ରହିଛି। ବିଭିନ୍ନ ସମୟରେ ଏହିମାନେ ମଧ୍ୟ ପୂର୍ବ ଅଞ୍ଚଳକୁ ଟଙ୍କା ଦେଣନେଣ କରିଥିବା ସୂଚନା ଦେଇଛି ଜାତୀୟ ତଦନ୍ତକାରୀ ସଂସ୍ଥା(ଏନ୍ଆଇଏ)।
ଏହି ସନ୍ଦିଗ୍ଧ ଆତଙ୍କବାଦୀମାନେ ହାଇଦ୍ରାବାଦ ଓ ଏହାର ଆଖପାଖ ଅଞ୍ଚଳରେ ବୋମା ବିସ୍ଫୋରଣ ପାଇଁ ଯୋଜନା କରୁଥିବା ବେଳେ ଗିରଫ କରାଯାଇଥିଲା।
ଏନ୍ଆଇଏ ଆଇଜି ସଞ୍ଜୀବ କୁମାର ସିଂହ କହିଛନ୍ତି,“ଗିରଫ ହୋଇଥିବା ସନ୍ଦିଗ୍ଧମାନଙ୍କ ମଧ୍ୟରୁ ଇବ୍ରାହିମ୍, ହବୀବ୍, ପହାଦ୍ ଓ ଆଉ ତା’ର ଜଣେ ସହଯୋଗୀ ଅନ୍ୟ ଦେଶ ମାଧ୍ୟମରେ ସିରିଆକୁ ଯିବାକୁ ଚାହୁଁଥିଲେ। ଆଉ ସେଥିପାଇଁ ବିବାହ କରିବାକୁ ମଧ୍ୟ ଯୋଜନା କରିଥିଲେ। ଏହାସହ ସେମାନେ ହାଇଦ୍ରାବାଦ ଓ ଏହାର ଆଖପାଖ ଅଞ୍ଚଳରେ ବୋମାବିସ୍ଫୋରଣ ପାଇଁ କେମିକାଲ ଓ ଅନ୍ୟାନ୍ୟ ବିସ୍ଫୋରକ ଦ୍ରବ୍ୟ କିଣିବାବେଳେ ଧରା ପଡିଥିଲେ। ସେମାନେ ଇମେଲ ଓ ସୋସିଆଲ୍ ମିଡିଆ ମାଧ୍ୟମରେ ଆଇଏସ୍ ମୁଖ୍ୟ ବାଗ୍ଦାଦୀ ସହିତ ରହିଛି। ସେମାନଙ୍କୁ ଜେରା କରାଯାଉଛି। ଜେରା ପରେ ସବିଶେଷ ତଥ୍ୟ ମିଳିପାରିବ।”
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।