ନୂଆଦିଲ୍ଲୀ: “ଭାରତକୁ ବଂଶାନୁକ୍ରମ ଶାସନ ପଦ୍ଧତ୍ତିରେ ପରିଣତ କରିବାକୁ କଂଗ୍ରେସ ଚାହୁଁଥିଲା। ଏଥିପାଇଁ ଦେଶକୁ ଖଣ୍ଡବିଖଣ୍ଡିତ କରିବାକୁ ଚାହୁଁଥିଲା।” ଦେଶରେ ଜରୁରୀକାଳୀନ ପରିସ୍ଥିତି ୪୧ ବର୍ଷ ପୂର୍ତ୍ତି ଅବସରରେ ଆଜି କଂଗ୍ରେସର ବରିଷ୍ଠ ନେତୃବୃନ୍ଦଙ୍କ ଉପରେ ବର୍ଷିଛନ୍ତି କେନ୍ଦ୍ର ଅର୍ଥମନ୍ତ୍ରୀ ଅରୁଣ ଜେଟ୍ଲୀ।
କଂଗ୍ରେସ ଓ ନେତୃବୃନ୍ଦଙ୍କୁ କଡ଼ା ସମାଲୋଚନା କରି କହିଛନ୍ତି,“ସ୍ୱାଧୀନତା ପରେ ଯଦି ଦେଖାଯାଏ ଦେଶରେ ବଂଶାନୁକ୍ରମ ଶାସନ ପଦ୍ଧତ୍ତି ଲାଗୁ କରିବାକୁ ସ୍ୱର୍ଗତ ଇନ୍ଦିରା ଗାନ୍ଧୀ ଚାହୁଁଥିଲେ। ଯେତେବେଳେ ଦେଶରେ ଅର୍ଥନୈତିକ ବିକାଶ ଆରମ୍ଭ ହେବା କଥା ତାହା ହୋଇପାରିଲା ନାହିଁ। ଏହା ୨ ଦଶନ୍ଧି ଧରି ଚାଲିଲା। ଏହାପରେ ସେ ୧୯୭୫ରେ ଜାତୀୟ ଜରୁରୀକାଳୀନ ପରିସ୍ଥିତି ଲାଗୁ କରି ଗଣତନ୍ତ୍ରକୁ ମାରି ଦେଇଥିଲେ। ସେହିଦିନଠାରୁ ଦେଶର ବିକାଶରେ ବାଧା ଘଟିଥିଲା। ତାହା ଫଳ ଏବେ ଆମେ ଭୋଗୁଛୁ।”
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
