ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ନୂଆଦିଲ୍ଲୀ: ରାଜନୀତି ଏବେ ଯେଉଁ ସ୍ତରରେ ପହଞ୍ଚିଲାଣି ସେ କଥା ନ କହିବା ଭଲ। ସତ୍ତା ହାତେଇବାକୁ କିଏ କେତେ ପ୍ରକାର ଫନ୍ଦିଫିକର କରୁଛନ୍ତି। କିଏ ଭୋଟରଙ୍କୁ ନିଜ ସପକ୍ଷରେ ଆଣିବାକୁ ଟଙ୍କା ବାଣ୍ଟୁଛି ତ କିଏ ମଦ, ମାଂସର ଭୋଜି ଦେଉଛି। ଏଭଳି କଥା ନିତିଦିନିଆ ହୋଇଯାଇଥିବା ବେଳେ ତାମିଲନାଡୁର ଜଣେ ବିଧାୟକ ମଦ ଓ ଟଙ୍କା ବାଣ୍ଟୁଥିବା ଭିଡିଓ ଭାଇରାଲ ହେବାପରେ ଅଡୁଆରେ ପଡିଛି ତାମିଲନାଡୁ ରାଜନୀତି।</p> <p>କଥିତ ଭିଡିଓରେ ତାମିଲନାଡୁର ସୁଲୁର ନିର୍ବାଚନମଣ୍ଡଳୀ ବିଧାୟକ କନଗରାଜ ଏକ ଧଳା ଗଞ୍ଜି ପିନ୍ଧି ନିଜ ଅନୁଗତଙ୍କ ଉପସସ୍ଥିତିରେ ୨ ହଜାର ଟଙ୍କିଆ ନୋଟ୍‌ ଗଣି ପାଖକୁ ଆସିଥିବା ଦଳୀୟ ସମର୍ଥଙ୍କ ହାତକୁ ବଢାଇ ଦେଉଛନ୍ତି। ଭୋଟରଙ୍କୁ ନିଜର କରିବା ଆଳରେ କୁଆଡେ ଏହି ଟଙ୍କା ସିଧାସଳଖ ବଣ୍ଟାହୋଇଛି ବୋଲି ଅଭିଯୋଗ ହେଉଛି। ଖାଲି ଟଙ୍କା ନୁହେଁ ପେଟିପେଟି ମଦ ମଧ୍ୟ ଭୋଟରଙ୍କୁ ଯୋଗାଇ ଦିଆଯାଉଥିବାର ଦୃଶ୍ୟ ଏହି ଭିଡିଓରେ ରହିଛି।</p> <p>ଏଆଇଏଡିଏମ୍‌କେ ପ୍ରତିଷ୍ଠାତା MGRଙ୍କ ଜନ୍ମଶତବାର୍ଷିକୀ ପାଳନ ଅବସରରେ ଏକ ବିଶାଳ ସଭାର ଆୟୋଜନ କରାଯାଇଥିଲା। ଏହି ସଭାରେ ତାମିଲନାଡୁ ମୁଖ୍ୟମନ୍ତ୍ରୀ ମଧ୍ୟ ଯୋଗ ଦେଇଥିଲେ। କନଗରାଜ ୬୦ଟି ବସ୍‌ରେ ନିଜ ବିଧାନସଭା କ୍ଷେତ୍ରରୁ ଲୋକଙ୍କୁ ଏଠାକୁ ଆଣି ଉତ୍ସବସ୍ଥଳରେ ପହଞ୍ଚାଇଥିଲେ । ଏତିକି ବେଳେ କୋଏମ୍ବାଟୁରସ୍ଥିତ ତାଙ୍କ ବାସଭବନରେ ଜମା ହୋଇଥିବା ସମର୍ଥକଙ୍କୁ କନଗରାଜ ଟଙ୍କା ଓ ମଦ ବାଣ୍ଟିଛନ୍ତି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
