ନୂଆଦିଲ୍ଲୀ: ଦେଶର ରାଜଧାନୀ ଦିଲ୍ଲୀର ସରକାରୀ କାର୍ଯ୍ୟାଳୟରେ କରୋନା ମାମଲା ବଢ଼ିବାରେ ଲାଗିଛି। ଏବେ କରୋନା ସଂକ୍ରମଣ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସରକାରଙ୍କ କାର୍ଯ୍ୟାଳୟରେ ପହଞ୍ଚିଛି।
କେନ୍ଦ୍ର ଅର୍ଥ ମନ୍ତ୍ରାଳୟର ୪ କର୍ମଚାରୀ ନିକଟରେ କରୋନା ସଂକ୍ରମଣ ଥିବା ଜଣାପଡ଼ିଛି। କରୋନାର ଏହି ମାମଲା ମନ୍ତ୍ରାଳୟର ରାଜସ୍ୱ ବିଭାଗରେ ହିଁ ବାହାରିଛି। ପଜିଟିଭ୍ ମାମଲା ସାମ୍ନାକୁ ଆସିବା ପରେ ପୂରା ଅଫିସକୁ ସାନିଟାଇଜ୍ କରାଯାଇଛି। ଅନ୍ୟପକ୍ଷରେ ରାଜୀବ ଗାନ୍ଧି ଭବନ ଓ ନ୍ୟୁ ଅଫିସ୍ କମ୍ପ୍ଲେକ୍ସରେ ଏୟାର ଅଥରିଟି ଅଫ୍ ଇଣ୍ଡିଆର ୪ କର୍ମଚାରୀଙ୍କୁ କରୋନା ହୋଇଛି। ଏହାସହ ଦୁଇଟି ଯାକ କମ୍ପ୍ଲେକ୍ସକୁ ୪ ଜୁନ୍ ପର୍ଯ୍ୟନ୍ତ ବନ୍ଦ କରିଦିଆଯାଇଛି।
ଅନ୍ୟପକ୍ଷରେ ଡିଏଫସିସିଆଇଏଲର କିଛି କର୍ମଚାରୀଙ୍କର ମଧ୍ୟ କରୋନା ପଜିଟିଭ୍ ଆସିଛି, ଯାହା ପରେ ପ୍ରଗତି ମଇଦାନସ୍ଥିତ ମେଟ୍ରୋ ଭବନକୁ ୪ ଜୁନ୍ ପର୍ଯ୍ୟନ୍ତ ବନ୍ଦ କରାଯାଇଛି। ଦିଲ୍ଲୀ ଉପରାଜ୍ୟପାଳ ଅନୀଲ ବୈଜାଲଙ୍କ କାର୍ଯ୍ୟାଳୟରେ ୧୩ଜଣଙ୍କର କରୋନା ରିପୋର୍ଟ ପଜିଟିଭ୍ ବାହାରିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
