‘ଗୋଗୋଇ ହୋଇପାରନ୍ତି ଆସାମର ମୁଖ୍ୟମନ୍ତ୍ରୀ ପ୍ରାର୍ଥୀ’

ଦିଶପୁର: ସୁପ୍ରିମକୋର୍ଟର ପୂର୍ବତନ ପ୍ରଧାନ ବିଚାରପତି ରଞ୍ଜନ ଗୋଗୋଇ ଆସାମର ମୁଖ୍ୟମନ୍ତ୍ରୀ ପ୍ରାର୍ଥୀ ହୋଇପାରନ୍ତି। ଗୋଗୋଇ ଅବସର ଗ୍ରହଣ କରିବା ପରେ ଏବେ ରାଜ୍ୟସଭା ସାଂସଦ ଅଛନ୍ତି। ଶନିବାର ଆସାମର ପୂର୍ବତନ ମୁଖ୍ୟମନ୍ତ୍ରୀ ତଥା କଂଗ୍ରେସ ନେତା ତରୁଣ ଗୋଗୋଇ ମିଡିଆକୁ ପ୍ରତିକ୍ରିୟା ଦେବା ବେଳେ କହିଛନ୍ତି, ରଞ୍ଜନ ଗୋଗୋଇ ବିଜେପିର ମୁଖ୍ୟମନ୍ତ୍ରୀ ପ୍ରାର୍ଥୀ ହୋଇପାରନ୍ତି।

ତରୁଣ ଗୋଗୋଇ ଏଭଳି ମତ ଦେବାର ତାତ୍ପର୍ଯ୍ୟ କହିବାକୁ ଯାଇ କହିଛନ୍ତି, ଯଦି ଜଣେ ପୂର୍ବତନ ବିଚାରପତି ରାଜ୍ୟସଭା ଯାଇ ପାରୁଛନ୍ତି ତା’ହେଲେ ବିଜେପିର ମୁଖ୍ୟମନ୍ତ୍ରୀ ପ୍ରାର୍ଥୀ ହେବାର ସମ୍ଭାବନାକୁ ମଧ୍ୟ ଏଡ଼ାଇ ଦିଆଯାଇ ନପାରେ। ଏଭଳି ହେବା ପଛରେ ସବୁ ରାଜନୀତି। ଅଯୋଧ୍ୟା ରାମ ମନ୍ଦିର ମାମଲାରେ ରଞ୍ଜନ ଗୋଗୋଇଙ୍କ ନିଷ୍ପତ୍ତି ବିଜେପିକୁ ସୁହାଇଛି। ତେଣୁ ସେ ସେ ରାଜ୍ୟସଭାକୁ ଯାଇ ରାଜନୀତିରେ ପ୍ରବେଶ କରିଛନ୍ତି।

ତରୁଣ ଗୋଗୋଇ କହିଛନ୍ତି ଯେ ରଞ୍ଜନ ଗୋଗୋଇ ରାଜ୍ୟସଭା ସଦସ୍ୟତାକୁ କାହିଁକି ପ୍ରତ୍ୟାଖ୍ୟାନ କଲେ ନାହିଁ? ସେ ହ୍ୟୁମାନ ରାଇଟସ କମିଶନ କିମ୍ବା ଅନ୍ୟ କେଉଁ ସଂଗଠନର ଚେୟାରମ୍ୟାନ୍ ହୋଇପାରିଥାନ୍ତେ ହେଲେ ତାଙ୍କର ରାଜନୀତିକ ଅଭିଳାଷ ରହି ଥିବାରୁ ସେ ରାଜ୍ୟସଭା ପଦବୀକୁ ଗ୍ରହଣ କରିଛନ୍ତି। ତେବେ ଏ ନେଇ ବିଜେପି କିମ୍ୱା ପୂର୍ବତନ ବିଚାରପତି ଜଷ୍ଟିସ ରଞ୍ଜନ ଗୋଗୋଇ କୌଣସି ପ୍ରତିକ୍ରିୟା ରଖି ନାହାନ୍ତି।

ତେବେ ଏହି କଂଗ୍ରେସ ନେତା ସ୍ପଷ୍ଟ କରିଛନ୍ତି ଯେ, ସେ ଆଗାମୀ ଦିନରେ କଂଗ୍ରେସର ମୁଖ୍ୟମନ୍ତ୍ରୀ ପ୍ରାର୍ଥୀ ହେବେ ନାହିଁ। ମୁଁ ପରାମର୍ଶଦାତା ଭାବରେ କାମ କରିବାକୁ ଚାହୁଁଛି। କଂଗ୍ରେସରେ ଅନେକ ଯୋଗ୍ୟ ପ୍ରାର୍ଥୀ ଅଛନ୍ତି ଯେଉଁମାନେ ଏହି ପଦବୀ ପାଇଁ ଦାୟିତ୍ୱ ଗ୍ରହଣ କରିପାରିବେ ବୋଲି ତୁରଣ ଗୋଗୋଇ କହିଛନ୍ତି।

ବିଜେପିକୁ କ୍ଷମତାରୁ ହଟାଇବା ପାଇଁ ଅଲ ଇଣ୍ଡିଆ ୟୁନାଇଟେଡ୍ ଡେମୋକ୍ରାଟିକ୍ ଫ୍ରଣ୍ଟ (AIUDF), ବାମପନ୍ଥୀ ତଥା ଆଞ୍ଚଳିକ ଦଳ ସହିତ ମିଶି ମହାମେଣ୍ଟ ତିଆରି କରିବାକୁ ଚେଷ୍ଟା କରାଯାଉଛି। ମେଣ୍ଟ ହେଲେ ବିଜେପିରୁ ନିର୍ବାଚନରେ ହରାଇବା ସହଜ ହେବ ବୋଲି ତୁରଣ ଗୋଗୋଇ କହିଛନ୍ତି।

ଆହୁରି ପଢ଼ନ୍ତୁ

ସୁପର କିଙ୍ଗସ୍ ବିପକ୍ଷ ମ୍ୟାଚ୍ ଖେଳିବେନି ବଟଲର୍

ବିଗତ ଚାରି ବର୍ଷରେ କେତେ ଜଣଙ୍କୁ ଭାରତର ନାଗରିକତ୍ୱ ଦିଆଯାଇଛି?

ଦେହଜୀବୀଙ୍କୁ ସହଯୋଗ କରିବା ପାଇଁ ରାଜ୍ୟକୁ ପରାମର୍ଶ ଦେଲେ ସୁପ୍ରିମକୋର୍ଟ

ନୌସେନାର ହେଲିକପ୍ଟର ବିଭାଗରେ ଦୁଇ ମହିଳା ଅଧିକାରୀ ସାମିଲ୍

ତବଲିଗି ଜମାତ ପାଇଁ କରୋନା ସଂକ୍ରମଣ ବ୍ୟାପିଛି: ଗୃହ ମନ୍ତ୍ରାଳୟ

ଆଜି ଚ୍ୟାଲେଞ୍ଜର୍ସ ସହ ରାଇଜର୍ସ ଟକ୍କର

ମୁମ୍ୱାଇ ଏନସିବି ବିଲ୍ଡିଂରେ ଅଗ୍ନିକାଣ୍ଡ

ଡ୍ରଗ୍ସ ଲିଙ୍କ୍: ଏନସିବି ରାଡାରରେ ଆଉ ଜଣେ ବଲିଉଡ ଅଭିନେତ୍ରୀ

ଲାଲୁ ଜେଲରେ ଥାଇ ପ୍ରତିଦିନ ଫୋନରେ କଥା ହେଉଛନ୍ତି: ଆରଜେଡି ନେତା

ପର୍ଯ୍ୟଟକଙ୍କ ପାଇଁ ଆଜିଠୁ ଖୋଲିଲା ତାଜମହଲ

ସୁପର୍‌ ଓଭରରେ ବାଜି ମାରିନେଲା ଦିଲ୍ଲୀ କ୍ୟାପିଟାଲ୍ସ

ଆଜିଠୁ ଏହି ସବୁ ରାଜ୍ୟରେ ଖୋଲିବ ସ୍କୁଲ; ନିଜ ଇଚ୍ଛାରେ ଆସିବେ ପିଲା