ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ନୂଆଦିଲ୍ଲୀ: ୨୩ ମହଲା କୋଠାରେ ଲାଗିଥିଲା ନିଆଁ। ଆଉ ଏତିକି ବେଳେ ବଞ୍ଚିବାକୁ ରାହା ଖୋଜୁଥିଲା ଜୀବନଟିଏ। ନିଆଁ ଆଁରୁ ବର୍ତ୍ତିବା ଲାଗି ବାଲ୍‌କୋନି ଲୁହା ରଡ୍‌ରେ ଝୁଲିଥିବା ସେଇ ଆତଙ୍କିତ ବ୍ୟକ୍ତି ଜଣକ ମୃତ୍ୟୁର ଖୁବ୍‌ ନିକଟରେ ଥିଲେ। କାଚ କାନ୍ଥକୁ ଗୋଇଠା ପରେ ଗୋଇଠା ମାରି ଚାଲିଥିଲେ। କାଚ ଭାଙ୍ଗି ନ ଥିଲା ସତ, ହେଲେ ଜୀବନ ‍ବଞ୍ଚାଇବାକୁ କେମିତି ବ୍ୟାକୁଳ ହେଉଥିଲେ ସେ ଚିତ୍ର ଥିଲା ବେସ୍‌ ଭୟଙ୍କର। ତଳେ ଉପସ୍ଥିତ ଲୋକେ ବି ବୁଝିପାରୁ ନ ଥିଲେ କିଛି। ପର ମୁହୂର୍ତ୍ତରେ କ’ଣ ଯେ ଘଟିବ ସେ ନେଇ ସମସ୍ତଙ୍କ ମନରେ ଥିଲା ପ୍ରଶ୍ନବାଚୀ। ହେଲେ ଶେଷରେ ସୌଭାଗକୁ ବ୍ୟକ୍ତି ଜଣକ ବଞ୍ଚିଗଲେ।</p> <p>ଏମିତି ଦୃଶ୍ୟାୟିତ ହୋଇଥିବା ଏକ ଭିଡିଓ ଏବେ ଭାଇରାଲ ହୋଇଛି। ଘଟଣାଟି ହେଉଛି ଚୀନ୍‌ର। ଏଠାରେ ଥିବା ଚୋଙ୍ଗକିଙ୍ଗ୍‌ର ଏକ ବହୁତଳ ପ୍ରାସାଦରେ ୧୩ ଡିସେମ୍ବରରେ ଅଗ୍ନିକାଣ୍ଡ ଘଟିଥିଲା। ଏହି ପ୍ରାସାଦ ଉପରେ ରହିଥିବା ଜଣେ ବ୍ୟକ୍ତି ବାହାରି ନ ପାରି ନିଆଁ ଭିତରେ ଫଶି ଯାଇଥିଲେ। ଶେଷରେ କୌଣସି ଉପାୟ ନ ପାଇ ବାଲକୋନି ଲୁହା ରଡ୍‌ରେ ଓହଳି ପଡିଥିଲେ। ବଞ୍ଚିବାର କିଛି ରାହା ନ ଥିଲା। ଶେଷରେ ଦମ୍‌କଳ କର୍ମଚାରୀ ପହଞ୍ଚି ନିଆଁ କାଚ କାନ୍ଥ ଭାଙ୍ଗି ଉକ୍ତ ବ୍ୟକ୍ତିଙ୍କୁ ଉଦ୍ଧାର କରିଥିଲେ।</p> <p>ଏ ସମସ୍ତ ଘଟଣା ସମ୍ପର୍କରେ ଜଣେ ବ୍ୟକ୍ତି ଭିଡିଓ କରି ସୋସିଆଲ ମିଡିଆରେ ଛାଡିବା ପରେ ଏହା ଭାଇରାଲ ହୋଇଛି।</p> <p><strong>ଭିଡିଓ ସୌଜନ୍ୟ: ଏନ୍‌ଡିଟିଭି ଇଣ୍ଡିଆ</strong></p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
