ଇସଲାମାବାଦ: ମହାମାରୀ କରୋନା ଭାଇରସରେ ପାକିସ୍ତାନ ପ୍ରଧାନମନ୍ତ୍ରୀ ଆକ୍ରାନ୍ତ କି? ସେକଥା ଜଣିବା ପାଇଁ ତାଙ୍କର ସ୍ୱାବ ପରୀକ୍ଷା କରାଯିବ। ମଙ୍ଗଳବାର ଇମ୍ରାନ ଜଣେ ବଦାନ୍ୟ ବ୍ୟକ୍ତି ତଥା ବ୍ୟବସାୟୀଙ୍କୁ ଭେଟିଥିଲେ। ଏହି ବ୍ୟକ୍ତି ଜଣଙ୍କ କୋଭିଡ-୧୯ରେ ଆକ୍ରାନ୍ତ ଥିବା ଜଣାପଡ଼ିବା ପରେ ଇମ୍ରାନ ଖାନଙ୍କର କରୋନା ଟେଷ୍ଟ ହେବ ବୋଲି ନିଷ୍ପତ୍ତି ହୋଇଛି।
ଅନ୍ୟପକ୍ଷରେ ଗତ ୨୪ ଘଣ୍ଟାରେ ପାକିସ୍ତାନରେ କରୋନା ଯୋଗୁ ୧୭ ଜଣଙ୍କ ମୃତ୍ୟୁ ଘଟିବା ପରେ ଦେଶରେ ମୋଟ ମୃତ୍ୟୁସଂଖ୍ୟା ୨୦୯ରେ ପହଞ୍ଚି ଯାଇଛି। ସେହିପରି ପାକିସ୍ତାନରେ ଆକ୍ରାନ୍ତଙ୍କ ସଂଖ୍ୟା ୯,୭୪୯ ରହିଛି।
ପାକିସ୍ତାନ ସରକାରଙ୍କ ସୂଚନା ପରାମର୍ଶଦାତା ଫିରଦୋଶ ଆଶିକ ଆୱାନ କହିଛନ୍ତି, ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ପରିବାର ଲୋକଙ୍କ କରୋନା ଟେଷ୍ଟ ଶେଷ ହୋଇ ସାରିଛି। ସମସ୍ତଙ୍କ ରିପୋର୍ଟ ନେଗେଟିଭ ଆସିଛି। ବୁଧବାର ପ୍ରଧାନମନ୍ତ୍ରୀଙ୍କ କରୋନା ପରୀକ୍ଷା କରାଯିବ।
ଇମ୍ରାନ ଖାନ କରୋନା ପରୀକ୍ଷା କରିବାକୁ ପ୍ରସ୍ତୁତ ହେଉଥିଲେ ହେଁ ଏଯାଏ ନିଜକୁ ଆଇସୋଲେସନରେ ରଖିନାହାନ୍ତି। ପୂର୍ବବତ ସେ ଅଫିସ କାମ ଜାରି ରଖିଥିବା ଜଣାପଡ଼ିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
