ନୂଆଦିଲ୍ଲୀ: ପାକିସ୍ତାନର କରାଚିରେ ବିସ୍ଫୋରଣ ଘଟି ଅନୁନ୍ୟ ୧୦ ଜଣଙ୍କର ମୃତ୍ୟୁ ଘଟିଛି। ଏଥିରେ କାଧିକ ଆହତ ହୋଇଥିବା ସୂଚନା ମିଳିଛି। ଶନିବାର ପାକିସ୍ତାନର କରାଚି ସହରରେ ଏହି ବିସ୍ଫୋରଣ ଘଟିଛି। ଏନେଇ ସ୍ଥାନୀୟ ଗଣମାଧ୍ୟମରେ ପ୍ରକାଶ ପାଇଛି। ରିପୋର୍ଟରେ ଦର୍ଶାଯାଇଛି ଯେ, କରାଚିର ଶେରଶାହା ଅଞ୍ଚଳରେ ପାରାଚା ଚୌକ ନିକଟ ଏକ ଘରୋଇ ବ୍ୟାଙ୍କ ପାଖ ଡ୍ରେନ୍ରେ ଏହି ବିସ୍ଫୋରଣ ଘଟିଛି।
ଘଟଣାସ୍ଥଳରେ ପୁଲିସ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଛି। ବ୍ୟାଙ୍କକୁ ଖାଲି କରିବା ପାଇଁ କୁହାଯାଇଛି। ଉକ୍ତ ଡ୍ରେନ୍ ଦେଇ ଗ୍ୟାସ୍ ପାଇପ ଯାଇଥିବାରୁ କୌଣସି କାରଣରୁ ଲିକ୍ ହୋଇ ବିସ୍ଫୋରଣ ହୋଇଥିବା ସନ୍ଦେହ କରାଯାଉଛି। ବିସ୍ଫୋରଣ ପରେ ଘଟଣାସ୍ଥଳରେ କିଛି ଲୋକ ଫସିଥିବା କୁହାଯାଉଛି। ସୋସିଆଲ ମିଡିଆରେ ବୁଲୁଥିବା ଫଟୋରେ ବିସ୍ଫୋରଣ ଯୋଗୁ ଏକ କୋଟା ଭାଙ୍ଗିଯାଇ ଥିବା ଲକ୍ଷ୍ୟ କରାଯାଇଛି ।
ତେବେ ପ୍ରାଥମିକ ପର୍ଯ୍ୟାୟରେ ଡ୍ରେନ୍ ସଫା କରି ଦୁର୍ଘଟଣାର କାରଣ ଅନୁସନ୍ଧାନ କରାଯିବ ବୋଲି ସ୍ଥନୀୟ ଅଧିକାରୀ କହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
