ପାଟନା: ଆଲୋକର ପର୍ବ ଦୀପାବଳିରେ ବିଷାକ୍ତ ସବୁଦିନ ପାଇଁ ୯ ଜଣଙ୍କ ଜୀବନର ଦୀପକୁ ଲିଭାଇ ଦେଇଛି। ବିହାରର ଗୋପାଲଗଞ୍ଜ ଠାରେ ବିଷାକ୍ତ ମଦ ପିଇ ୯ ଜଣଙ୍କ ମୃତ୍ୟୁ ଘଟିଥିବା ବେଳେ ୭ ଜଣ ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି ହୋଇଛନ୍ତି।
ଜିଲ୍ଲା ମାଜିଷ୍ଟ୍ରେଟ ଡା ନୱାଲ କିଶୋର ଚୌଧୁରୀ ଏ ବିଷୟରେ ସୂଚନା ଦେଇଛନ୍ତି। ମୃତ ଓ ଗୁରୁତର ହୋଇଥିବା ଲୋକମାନେ ନଭେମ୍ବର ୩ ସନ୍ଧ୍ୟାରେ ମଦ ପଇଥିଲେ। ଏହାର କିଛି ସମୟ ପରେ ସେମାନେ ଅସୁସ୍ଥ ହେବାରୁ ସମସ୍ତଙ୍କୁ ବିଳମ୍ବିତ ରାତିରେ ହସ୍ପିଟାଲକୁ ଅଣା ଯାଇଥିଲା। ସେଠାରେ ୯ ଜଣଙ୍କ ମୃତ୍ୟୁ ଘଟିଛି।
ମିଳିଥିବା ସୂଚନା ଅନୁଯାୟୀ, ତେଲହୁ ଗାଁର ୧୬ ଜଣ ବ୍ୟକ୍ତି ନଭମ୍ବେର ୩ ସନ୍ଧ୍ୟା ବେଳେ ଛାମ୍ରତୋଲି ଠାରେ ମଦ ପିଇଥିଲେ। ଏହାର କିଛି ସମୟ ପରେ ସମସ୍ତଙ୍କ ଅବସ୍ଥା ବିଗିଡ଼ିଥିଲା। ପୁଲିସ ମୃତ ୯ ଜଣଙ୍କ ମଧ୍ୟରୁ ୮ ଜଣଙ୍କ ପରିଚୟ ହାସଲ କରିଛି। ହେଲେ ଜଣଙ୍କ ପରିଚୟ ଏଯାଏ ମିଳିନି।
ସାମ୍ବାଦିକଙ୍କୁ ସୂଚନା ଦେଇ ଏସ୍ପି ଉପେନ୍ଦ୍ର ନାଥ ବର୍ମା କହିଛନ୍ତି, “ଏହା ଅପ୍ରାକୃତି ମୃତ୍ୟୁ। ପ୍ରାଥମିକ ତଦନ୍ତ ପରେ ହିଁ ଘଟଣା ସମ୍ପର୍କରେ ଅଧିକ ତଥ୍ୟ ମିଳିପାରିବ। ପୁଲିସ୍ ଓ ସ୍ଥାନୀୟ ପ୍ରଶାସନିକ ଅଧିକାରୀମାନେ ଗାଁରେ କ୍ୟାମ୍ପ କରି ବିସ୍ତୃତ ତଥ୍ୟ ହାସଲ କରିବାକୁ ଉଦ୍ୟମ କରୁଛନ୍ତି।”
Nine people died and seven admitted to hospital allegedly after consuming spurious liquor in Bihar’s Gopalganj district, said the district magistrate Dr Nawal Kishor Choudhary.
— ANI (@ANI) November 4, 2021
ଜଣେ ଗାଁ ଲୋକ ନିଜ ନାଁ ଗୋପନ ରଖି କହିଛନ୍ତି, “ମଦ ପିଇବା ପରେ କିଛି ଲୋକ ଅସୁସ୍ଥ ଅନୁଭବ କରିଥିଲେ। ଫଳରେ ସେମାନଙ୍କୁ ସ୍ଥାନୀୟ ହସ୍ପିଟାଲକୁ ନିଆଯାଇଥିଲା। ସେମାନଙ୍କ ମଧ୍ୟରୁ ଆଜି ସକାଳେ ୮ ଜଣଙ୍କ ମୃତ୍ୟୁ ଘଟିଛି। ଅନ୍ୟମାନେ ବିଭିନ୍ନ ହସ୍ପିଟାଲରେ ଜୀବନ ସହ ସଂଘର୍ଷ କରୁଛନ୍ତି।”
ଗତ ମାସରେ ମୁଜାଫରପୁରରେ ସମାନ ଘଟଣା ଘଟିଥିଲା। ୨୦୧୬ ମସିହା ଏପ୍ରିଲ ୫ରୁ ନୀତୀଶ କୁମାର ସରକାର ବିହାରରେ ମଦ ବ୍ୟାନ କରିଛନ୍ତି। ତଥାପି ଚୋରାରେ ଏହା ବିକ୍ରି ଚାଲିଛି। ଅନେକ ସମୟରେ ବିଷାକ୍ତ ମଦ ଲୋକଙ୍କ ଜୀବନ ମଧ୍ୟ ନେଉଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।