ପାଣାଜୀ: ବିଦେଶୀ ମହିଳାଙ୍କୁ ଦୁଷ୍କର୍ମ। ଗୋଆର ପାଣାଜୀରେ ଜଣେ ବ୍ରିଟିଶ ମହିଳାଙ୍କ ସହ ଦୁଷ୍କର୍ମ ହୋଇଥିବା ଅଭିଯୋଗ ଆସିଛି। ଏହି ମାଲାରେ ପୁଲିସ ଜଣେ ୩୨ ବର୍ଷୀୟ ଯୁବକଙ୍କୁ ଗିରଫ କରି ଜେଲ ପଠାଇଛି। ସୋମବାର ଗୋଆର ଆରମ୍ବୋଲ ସମୁଦ୍ର ତଟ ନିକଟସ୍ଥ ପ୍ରସିଦ୍ଧ 'ସ୍ୱିଟ୍ ଲେକ୍' ନିକଟରେ ଉକ୍ତ ମହିଳାଙ୍କୁ ଦୁଷ୍କର୍ମ କରାଯାଇଥିବା ପୁଲିସକୁ ସୂଚନା ମିଳିଥିଲା।
ଜଣେ ବରିଷ୍ଠ ପୁଲିସ ଅଧିକାରୀଙ୍କ କହିବା ମୁତାବକ, ଏହି ମାମଲରେ ଧରାପଡିଥିବା ଅଭିଯୁକ୍ତ ଯୁବକ ଜଣକ ହେଲେ ଜୋଏଲ ୱିନ୍ସେଣ୍ଟ ଡିସୁଜା। ସେ ବ୍ରିଟିଶ ମହିଳାଙ୍କ ଜୁନ୍ ୨ ତାରିଖରେ ଦୁଷ୍କର୍ମ କରିଥିଲେ। ସେହିଦିନ ନର୍ଥ ଗୋଆର ଅରମ୍ବୋଲ ବିଚ୍ ନିକଟ ସ୍ୱିଟ୍ ଲେକରେ ବ୍ରିଟିଶ ମହିଳା ଜଣକ ବିଶ୍ରାମ ନେଉଥିଲେ। ଏହି ସମୟରେ ଜୋଏଲ ଉକ୍ତ ମହିଳାଙ୍କ ସହ ଦୁଷ୍କର୍ମ କରିଥିଲେ। ଏନେଇ ପୀଡିତା ନିଜ ସ୍ୱାମୀଙ୍କ ସହ ମିଶି ପୋଲିସ ନିକଟରେ ଅଭିଯୋଗ କରିଛନ୍ତି।
ଅଭିଯୋଗ ମୁତାବକ, ଉଭୟେ ଗୋଆ ବୁଲିବା ପାଇଁ ଭାରତ ଆସିଥିଲେ। ଜୁନ୍ ୨ ତାରିଖରେ ସମୁଦ୍ର କୂଳରେ ଶୋଇଥିବା ବେଳେ ଜୋଏଲ ସେଠାରେ ପହଞ୍ଚି ତାଙ୍କ ସହ ଦୁଷ୍କର୍ମ କରିଥିବା ପୀଡିତା କହିଛନ୍ତି। ଏହି ଅଭିଯୋଗରେ ବର୍ତ୍ତମାନ ପୁଲିସ ଜୋଏଲ୍କୁ ଗିରଫ କରି ତଦନ୍ତ ଜାରି ରଖିଛି।
ଏହାପୂର୍ବରୁ ମଧ୍ୟ ଗତ ମେ' ମାସରେ ଗୋଆ ପୁଲିସ ଅରମ୍ବୋଲରେ ଥିବା ଏକ ରିସର୍ଟରେ ଜଣେ ୧୨ ବର୍ଷୀୟ ରୁଷୀୟ ନାବାଳିକାଙ୍କ ସହ ଦୁଷ୍କର୍ମ କରିବା ଅଭିଯୋଗରେ କର୍ଣ୍ଣାଟକର ଜଣେ ବ୍ୟକ୍ତିଙ୍କୁ ଗିରଫ କରିଥିଲା। ଅଭିଯୁକ୍ତ ଜଣକ ସେହି ରିସର୍ଟରେ ରୁମ୍ ଆଟେଣ୍ଡାଣ୍ଟ ଭାବେ କାମ କରୁଥିଲା। ଅଭିଯୋଗ ମୁତାବକ ଅଭିଯୁକ୍ତ ଜଣକ ଉକ୍ତ ନାବାଳିକା ସହ ପ୍ରଥମେ ସୁଇମିଂ ପୁଲ ପରେ ରୁମ୍ ଭିତରେ ଦୁଷ୍କର୍ମ କରିଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
