ଫେବୃଆରୀ ୨୬ ଭାରତ ବନ୍ଦ, କିଏ ଓ କାହିଁକି ଦେଲେ ବନ୍ଦ ଡାକରା?

ନୂଆଦିଲ୍ଲୀ: ଫେବୃଆରୀ ୨୬ ଭାରତ ବନ୍ଦ ପାଇଁ ଡାକରା ଦେଇଛି କନଫେଡେରେଶନ ଅଫ୍ ଅଲ୍ ଇଣ୍ଡିଆ ଟ୍ରେଡର୍ସ (ସିଏଆଇଟି)। ବିଭିନ୍ନ ସାମଗ୍ରୀରେ କେନ୍ଦ୍ର ସରକାର ଲଗାଇଥିବା ଜିଏସଟିକୁ ସମୀକ୍ଷା କରିବାକୁ ଦାବି କରି ସିଆଇଟି ଏହି ବନ୍ଦ ଡାକରା ଦେଇଛି। ଏହି ଦିନ ସମସ୍ତ ବ୍ୟବସାୟିକ ବଜାର ବନ୍ଦ ରଖିବାକୁ ଆହ୍ୱାନ କରିଛି ସିଏଆଇଟି। ଏହାକୁ ସମର୍ଥନ ଦେଇଛନ୍ତି ସମସ୍ତ ରାଜ୍ୟର ଟେଡର୍ସ ସଂଘ।

ତେଲ ଦର ବୃଦ୍ଧି, ଇ-ଓ୍ୱେୟ ସ୍କ୍ରାପିଂ ବିଲକୁ ବିରୋଧ, ଇ-କମର୍ସ କମ୍ପାନୀ ଆମାଜନକୁ ବିରୋଧ କରି ଏହି ବନ୍ଦ ଡାକରା ଦିଆଯାଇଥିବା The All India Transporters Welfare Association (AITWA)ର ସଭାପତି ମହେନ୍ଦ୍ର ଆର୍ଯ୍ୟ କହିଛନ୍ତି। ଏହି ଦିନ ଚକା ଜାମ କରିବାକୁ ମଧ୍ୟ ଦେଶର ପରିବହନ ସଂଘ ଚେତାବନୀ ଦେଇଛି। ଦେଶରେ ଏଫଏମଜିସି ଡିଷ୍ଟ୍ରିବ୍ୟୁଟର ସଂଘ, ଆଲୁମିନିୟମ ବାସନକୁସନ ତିଆରି କରୁଥିବା ବ୍ୟବସାୟୀ ସଂଘ ଆଦି ଅନେକ ସଂଘ ଏହି ବନ୍ଦ ଡାକରାକୁ ସମର୍ଥନ ଜଣାଇଛନ୍ତି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।