ନୂଆଦିଲ୍ଲୀ: ଚଳିତ ଆର୍ଥିକ ବର୍ଷରେ ଭାରତ ୩ ଟ୍ରିଲିଅନ (୨୦,୬୧,୧୬,୫୦,୦୦,୦୦,୦୦୦.୦୦ ଟଙ୍କା) ଅର୍ଥନୀତିକ କ୍ଲବରେ ପହଞ୍ଚିବ। ଆଜି ଅର୍ଥମନ୍ତ୍ରୀ ନିର୍ମଳା ସୀତାରମଣ ସଂସଦରେ ବଜେଟ ଉପସ୍ଥାପନ କରିବା ବେଳେ ଏହା କହିଛନ୍ତି। ଏଥିସହ ଚଳିତ ଆର୍ଥିକ ବର୍ଷରେ ଦେଶର ଅଭିବୃଦ୍ଧି ହାର ୮ ପ୍ରତିଶତ ଟପି ଯିବ ବୋଲି ସେ କହିଛନ୍ତି।
ଦେଶର ଅଭିବୃଦ୍ଧି ପାଇଁ ଅନେକ ବ୍ୟବସ୍ଥାରେ ପରିବର୍ତ୍ତନର ଆବଶ୍ୟକତା ରହିଛି। ଏହା ପରିବର୍ତ୍ତନ ହୋଇପାରିଲେ ଆଗାମୀ ଦିନରେ ଦେଶର ଅର୍ଥନୀତି ୫ ଟ୍ରିଲଅନ କ୍ଲବରେ ପହଞ୍ଚି ପାରିବ ବୋଲି କେନ୍ଦ୍ର ଅର୍ଥମନ୍ତ୍ରୀ କହିଛନ୍ତି। ୨୦୨୪-୨୫ ମଧ୍ୟରେ ଦେଶ ୫ ଟ୍ରିଲଅନ ଅର୍ଥନୀତିକ କ୍ଲବରେ ପହଞ୍ଚିବ ବୋଲି ସୀତାରମଣ କହିଛନ୍ତି।
ସୂଚନାଯୋଗ୍ୟ, ଭାରତର ଅର୍ଥନୀତି ଏବେ $୨.୬୧ ଟ୍ରିଲଅନରେ ରହିଛି। ବିଶ୍ୱରେ ଭାରତ ଷଷ୍ଠ ବୃହତ ଅର୍ଥନୀତିକ ଦେଶ। ପ୍ରଥମରେ ଆମେରିକା, ଦ୍ୱିତୀୟରେ ଚାଇନା, ତୃତୀୟରେ ଜାପାନ, ଚତୁର୍ଥରେ ଜର୍ମାନୀ, ପଞ୍ଜମରେ ବ୍ରିଟେନ୍ ଏବଂ ଷଷ୍ଠରେ ଭାରତ ରହିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
