ଜାମ୍ମୁ: ମୌସୁମୀ ସକ୍ରିୟ ହେବା ଫଳରେ ଜାମ୍ମୁରେ ପ୍ରବଳ ବର୍ଷା ହେବା ଯୋଗୁଁ ଆଜି ଜାମ୍ମୁ- ଶ୍ରୀନଗର ଜାତୀୟ ରାଜପଥ ବନ୍ଦ କରି ଦିଆଯାଇଛି। ରାସ୍ତା ଉପରେ ପାଣି ପ୍ରବାହିତ ହେଉଥିବାରୁ ଯାନବାହାନ ଚଳାଚଳ ଗୁରୁତର ଭାବେ ପ୍ରଭାବିତ ହୋଇଛି। ପୋଲିସ୍ କର୍ମଚାରୀ ଓ ଉଦ୍ଧାରକାରୀ ଦଳ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛନ୍ତି।
ପାଣିପାଗ ବିଭାଗ କହିଛି ,“ଏହା ପ୍ରଥମ ମୌସୁମୀ ବର୍ଷା ଅଟେ। ଆହୁରି କିଛି ଦିନ ଜାମ୍ମୁରେ ପ୍ରବଳ ବର୍ଷା ଲାଗିରହିବ। ”
ସେହିପରି ମୁମ୍ବାଇରେ ପ୍ରବଳ ବର୍ଷା ଯୋଗୁଁ ମୁମ୍ବାଇ ଲୋକାଲ ଟ୍ରେନ ଆଜି କିଛି ସମୟ ବିଳମ୍ବରେ ଆସିଥିଲା। ଫଳରେ ଯାତ୍ରୀମାନେ ଅସୁବିଧାର ସମ୍ମୁଖୀନ ହୋଇଥିଲେ। ଟ୍ରେନ ବିଳମ୍ବ ହେବା ଯୋଗୁଁ ଯାତ୍ରୀମାନେ ଷ୍ଟେସନରେ ନାରାବାଜି କରିଥିଲେ। ପୋଲିସ୍ ଘଟଣାସ୍ଥଳରେ ପହଞ୍ଚି ଯାତ୍ରୀମାନଙ୍କୁ ବୁଝାସୁଝା କରିଥିଲା।
ଦିଲ୍ଲୀରେ ମଧ୍ୟ ପ୍ରବଳ ବର୍ଷା ଯୋଗୁଁ ଆଜି ସକାଳେ ଦିଲ୍ଲୀରେ ସର୍ବନିମ୍ନ ତାପମାତ୍ରା ୨୭ ଡିଗ୍ରୀ ସେଲସିୟସ ରହିଥିଲା।
ପାଣିପାଗ ବିଭାଗ ସୂଚନା ଅନୁଯାୟୀ, “ଆଜି ଦିଲ୍ଲୀରେ କିଛି ଅଞ୍ଚଳରେ ପ୍ରବଳ ବର୍ଷା ହେବ।”
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
