ଜମ୍ମୁ: ଜମ୍ମୁ-କଶ୍ମୀରରୁ ଧାରା ୩୭୦ ଓ ୩୫-ଏ ଉଚ୍ଛେଦ ପରେ ଏବେ ସେଠାକାର ଲୋକଙ୍କୁ ସ୍ୱତନ୍ତ୍ର ଭାବେ ଜମି ଓ ଚାକିରି କ୍ଷେତ୍ରରେ ସ୍ଥାୟୀ ଅଧିକାର ମିଳିବ। ବର୍ତ୍ତମାନ ନଯୁକ୍ତି ଅଭାବରୁ ଶିକ୍ଷତ ବେକାରୀଙ୍କ ସଂଖ୍ୟା ଜମ୍ମୁ-କଶ୍ମୀରରେ ବୃଦ୍ଧି ପାଇଛି। ତେଣୁ ସ୍ଥାନୀୟ ପ୍ରଶାସନ ଏମାନଙ୍କୁ ଏ କ୍ଷେତ୍ରରେ ସ୍ୱତନ୍ତ୍ର ସ୍ଥାୟୀ ଅଧିକାର ଦେବାକୁ ଲକ୍ଷ୍ୟ ରଖିଛି। ଏହାର ଅର୍ଥ ଏମାନେ ପ୍ରଥମେ ସ୍ଥାନୀୟ ଅଞ୍ଚଳର ଜମି ଓ ଚାକିରି ଉପରେ ନିଜର ଅଧିକାର ଜାହିର କରିବେ।
ଏହା ନୂଆ ନିୟମ ଦ୍ୱାରା ସେମାନେ ଜମ୍ମୁ-କଶ୍ମୀରରେ ସରକାରୀ ଚାକିରି ପାଇଁ ଆବେଦନ କରିବାର ସ୍ୱତନ୍ତ୍ର ଅଧିକାର ପାଇବେ। ସ୍ଥାନୀୟ ଲୋକଙ୍କୁ ଏଠାକାର ସ୍ଥାୟୀ ବାସିନ୍ଦାର ଅଧିକାର ମିଳିଲେ ସେମାନେ କେନ୍ଦ୍ର ଶାସିତ ଅଞ୍ଚଳ ଚାକିରି କରିପାରିବେ ଓ ଜମି କିଣା ବିକା କରିପାରିବେ।
ଜମ୍ମୁ-କଶ୍ମୀର କେନ୍ଦ୍ର ଶାସିତ ଅଞ୍ଚଳ ପାଇଁ ଏଭଳି ସ୍ଥାୟୀ ଅଧିକାର ସମ୍ପର୍କିତ ଆଇନ ପ୍ରଣୟନ କାର୍ଯ୍ୟ ଜାରି ରହିଛି ଏବଂ ଖୁବଶୀଘ୍ର ଏହାର ଘୋଷଣା କରାଯିବ ବୋଲି ଜଣାପଡ଼ିଛି।
କେନ୍ଦ୍ର ସରକାର ଜମ୍ମୁ-କଶ୍ମୀରରୁ ଧାରା ୩୭୦ ଓ ୩୫ ଏ ଉଚ୍ଛେଦ କରିବା ସହ ଏଠାକାର ଲୋକଙ୍କୁ ଜମି କିଣା ଓ ବିକ୍ରି କରିବା ପାଇଁ ମିଳୁଥିବା ସ୍ୱତନ୍ତ୍ର ସୁବିଧା ମଧ୍ୟ କାଟ ଖାଇଥିଲା।
ଏହାପରେ ଜମ୍ମୁ-କଶ୍ମୀରରେ ଆର୍ଥିକ ପଛୁଆ ଓ ବେକାରୀ ସମସ୍ୟା ଅଧିକ ଥିବାରୁ ଲୋକଙ୍କ ସ୍ଥାୟୀ ଅଧିକାରକୁ ସୁରକ୍ଷିତ କରିବା ପାଇଁ ଦାବି ହୋଇଥିଲା। ଖାଲି ସେତିକି ନୁହେଁ ଜମ୍ମୁ-କଶ୍ମୀରର ସରକାରୀ ଚାକିରିରେ ସ୍ଥାନୀୟ ଅଞ୍ଚଳର ଯୁବକଙ୍କୁ ସ୍ୱତନ୍ତ୍ର ଭାବେ ଆବେଦନ କରିବାକୁ ସୁଯୋଗ ମିଳିବା ଦରକାର ମଧ୍ୟ ଅନେକ ମତ ଦେଇଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।