କାହା ସହ ମେଣ୍ଟ କରିବେନି କେସିଆର୍‌, ବିଜେପି କହିଲା ଏମିତି କଥା

ନୂଆଦିଲ୍ଲୀ: କାର୍ଯ୍ୟକାଳ ଶେଷ ହେବା ଆଗରୁ ବିଧାନସଭା ଭାଙ୍ଗି ଦେଇଥିବା ତେଲେଙ୍ଗାନା ମୁଖ୍ୟମନ୍ତ୍ରୀ କେ ଚନ୍ଦ୍ରଶେଖର ରାଓ ଆଗାମୀ ନିର୍ବାଚନରେ କାହା ସହ ମେଣ୍ଟ କରିବେ ନାହିଁ ବୋଲି ସ୍ପଷ୍ଟ କରିଦେଇଛନ୍ତି। 
 
ଏପରି କି ସେ ୧୦୫ ଜଣ ଦଳୀୟ ପ୍ରାର୍ଥୀଙ୍କ ତାଲିକା ମଧ୍ୟ ପ୍ରକାଶ କରିଛନ୍ତି। କେସିଆର୍‌ଙ୍କ ଏହି ମତ ପରେ ବିଜେପି କହିଛନ୍ତି, କେସିଆର୍‌ ମେଣ୍ଟ୍‌ ନ କଲେ, ତାଙ୍କରି ହିଁ କ୍ଷତି ହେବ। ବିଜେପିର କୌଣସି ଅସୁବିଧା ହେବନାହିଁ।  
 
କେସିଆର୍‌ କହିଛନ୍ତି, ତେଲେଙ୍ଗାନାର ଲୋକଙ୍କ ମଙ୍ଗଳ ପାଇଁ କାର୍ଯ୍ୟକାଳ ଶେଷ ହେବା ଆଗରୁ ବିଧାନସଭାକୁ ଭଙ୍ଗ କରାଯାଇଛି। ରାଜ୍ୟର ବିକାଶ ହେଉଛି ପ୍ରଧାନ ଲକ୍ଷ୍ୟ ବୋଲି ସେ କହିଛନ୍ତି। 
 
କେସିଆର୍ କଂଗ୍ରେସକୁ ତୀବ୍ର ସମାଲୋଚନା କରିଥିବାରୁ ବିଜେପି ସହ ତାଙ୍କ ଦଳ ମେଣ୍ଟ କରିବ ବୋଲି ଚର୍ଚ୍ଚା ଆରମ୍ଭ ହୋଇଥିଲା। କିନ୍ତୁ କେସିଆର୍‌ କହିଛନ୍ତି, ଟିଆର୍‌ଏସ୍‌ କାହା ସହ ମେଣ୍ଟ କରିବ ନାହିଁ। ଦଳ ଶତପ୍ରତିଶତ ଏକାକୀ ନିର୍ବାଚନ ଲଢ଼ିବାକୁ ପ୍ରସ୍ତୁତ ରହିଛି। 
 
ଅଗଷ୍ଟ ମାସରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ କାହିଁକି ଭେଟିଥିଲେ ବୋଲି ପ୍ରଶ୍ନର ଉତ୍ତର ଦେଇ କେସିଆର୍‌ କହିଛନ୍ତି, ମେଣ୍ଟ ପାଇଁ ନୁହେଁ ବରଂ ତେଲେଙ୍ଗାନାର ମୁଖ୍ୟମନ୍ତ୍ରୀ ଭାବେ ସେ ମୋଦିଙ୍କୁ ଭେଟିଥିଲେ।

ଅନ୍ୟପକ୍ଷରେ ବିଜେପି ପକ୍ଷରୁ କୁହାଯାଇଛି ଯେ କେସିଆର୍‌ ଯଦି ମେଣ୍ଟ କରିଥାଆନ୍ତେ, ତା’ହେଲେ ପୂର୍ବାପେକ୍ଷା  ଅଧିକ ଆସନରେ ଜିତି ଥାଆନ୍ତେ। କିନ୍ତୁ ସେ ଯଦି ମେଣ୍ଟ କରିବାକୁ ଚାହୁଁନାହାନ୍ତି, ତା’ହେଲେ ଏଥିରେ ଅସୁବିଧା କିଛି ନାହିଁ। କାରଣ ବିଜେପି ଏଥର ତେଲେଙ୍ଗାନାରେ ସରକାର ଗଢ଼ିବ।

ଆହୁରି ପଢ଼ନ୍ତୁ

ଚାଇନାର ଦାବି, କୁକୁଡାରେ ରହିଛି କରୋନା ଭାଇରସ!

ମହଙ୍ଗା ହେଉଛି ଖାଦ୍ୟ ସାମଗ୍ରୀର ଦାମ, ମୁଦ୍ରାସ୍ଫୀତି ହାର ୬.୯୩ ପ୍ରତିଶତ ବୃଦ୍ଧି

ଦ୍ୱିତୀୟ ଟେଷ୍ଟ: ବର୍ଷା ଯୋଗୁ ଅଟକିଲା ଖେଳ, ପାକିସ୍ତାନ ୮୫/୨

ସ୍ୱତନ୍ତ୍ର ସଚିବ ଅଜୟ ଦାସଙ୍କୁ ଗିରଫ କଲା ଭିଜିଲାନ୍ସ

କଂଗ୍ରେସ ସରକାର ବିରୋଧରେ ଅନାସ୍ଥା ପ୍ରସ୍ତାବ ଆଣିବ ବିଜେପି

ବେଙ୍ଗାଲୁରୁ ଦଙ୍ଗାକୁ ନେଇ ଆସିଲା ଚାଞ୍ଚଲ୍ୟକର ତଥ୍ୟ, ଏଫଆଇଆରରେ ୫ ଅଭିଯୁକ୍ତ

ମୁମ୍ବାଇ ସ୍ୱପ୍ନ ସାକାର କରିବାକୁ ୪୫ ହଜାର ଟଙ୍କାରେ ଛୁଆକୁ ବିକିଲା ମା’

ଏଚ୍-୧ବି ଭିସା ବ୍ୟାନ ନିୟମରେ କୋହଳ କଲା ଟ୍ରମ୍ପ ପ୍ରଶାସନ

ପିପିଇ କିଟ ପିନ୍ଧି କୋଭିଡ ଲକ୍ଷଣ ଥିବା ଜଣେ ଲୋକଙ୍କୁ ବାଇକରେ ହସ୍ପିଟାଲ ନେଲେ ଟିଏମସି ନେତା

ଆଖିକୁ ଦିଶେନାହିଁ, କିନ୍ତୁ ୟୁପିଏସସି ପରୀକ୍ଷାରେ ବାଜିମାତ କଲେ ଏହି ଯୁବତୀ

ମହନ୍ତ ନିତ୍ୟ ଗୋପାଳ ଦାସଙ୍କୁ କରୋନା, ମୋଦିଙ୍କ ସହ ଷ୍ଟେଜ ଶେୟାର କରିଥିଲେ

‘ସଡ଼କ-୨’କୁ ୫୦ ଲକ୍ଷରୁ ଅଧିକ ଡିସ୍‌ଲାଇକ୍‌