ନୂଆଦିଲ୍ଲୀ: କୌଣସି ମୁହୂର୍ତ୍ତରେ ଭାରତ ସରକାର ଲଣ୍ଡନରୁ ପଳାତକ ବ୍ୟବସାୟୀ ବିଜୟ ମାଲ୍ୟାକୁ ଆଣିପାରନ୍ତି। ବୁଧବାର କେନ୍ଦ୍ର ସରକାରଙ୍କ ତରଫରୁ ଏହି ସୂଚନା ମିଳିଛି। ପ୍ରତ୍ୟାର୍ପଣ ନେଇ ସମସ୍ତ ଆଇନଗତ ପ୍ରକ୍ରିୟା ଶେଷ ହୋଇଥିବା ସୂଚନା ରହିଛି। ମେ’୧୪ରେ ମାଲ୍ୟା ଭାରତ ସରକାରଙ୍କ ପ୍ରତ୍ୟର୍ପଣକୁ ଚ୍ୟାଲେଞ୍ଜ କରି ଲଣ୍ଡନର ସୁପ୍ରିମକୋର୍ଟରେ ଆବେଦନ କରିଥିଲେ। ହେଲେ କୋର୍ଟ ଖାରଜ କରି ଦେଇଥିଲେ।
ଏବେ ସିବିଆଇ ଏବଂ ପ୍ରବର୍ତ୍ତନ ନିର୍ଦ୍ଦେଶାଳୟ ମାଲ୍ୟାଙ୍କୁ ଭାରତ ଆଣିବା ପାଇଁ ସମସ୍ତ ପ୍ରସ୍ତୁତି କରୁଥିବା ଜଣାପଡ଼ିଛି। ସିବିଆଇର ଜଣେ ଅଧିକାରୀ କହିଛନ୍ତି, ମାଲ୍ୟା ଭାରତରେ ପହଞ୍ଚିବା ପରେ ପ୍ରଥମେ ତାଙ୍କୁ ରିମାଣ୍ଡରେ ନେବୁ। ମେ’୧୪ରେ ମାଲ୍ୟା ପ୍ରତ୍ୟର୍ପଣ କେସରେ ହାରିବା ପରେ ୨୮ ଦିନ ଭିତରେ ଭାରତ ଆସିବାର ନିୟମ ରହିଛି। ଏହାରି ଭିତରେ ୨୦ ଦିନ ବିତିସାରିଛି। ତେଣୁ ଆଗାମୀ ୮ ଦିନ ମଧ୍ୟରେ ପଳାତକ ମାଲ୍ୟାଙ୍କୁ ଲଣ୍ଡନରୁ କୌଣସି ମୂହୂର୍ତ୍ତରେ ସିବିଆଇ ଏବଂ ଇଡି ଭାରତ ଆଣିପାରନ୍ତି।
ପୂର୍ବତନ ରାଜ୍ୟସଭା ସାଂସଦ ବିଜୟ ମାଲ୍ୟାଙ୍କର ଦେଶରେ ମଦ, ଏୟାରଲାଇନ୍ସ ଆଦି ବ୍ୟବସାୟ ରହିଛି। ବିଭିନ୍ନ ବ୍ୟାଙ୍କରୁ ୯୦୦୦ କୋଟି ଟଙ୍କା ଋଣ ପରିଶୋଧ ନକରି ୨୦୧୬ରେ ଲଣ୍ଡନ ଫେରାର ହୋଇଯାଇଥିଲେ ବିଜୟ ମାଲ୍ୟା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
