ଶ୍ରୀନଗର: ଅନନ୍ତନାଗ ବିଧାନସଭା ଆସନରେ ହେବାକୁ ଥିବା ଉପ-ନିର୍ବାଚନ ପାଇଁ ଆଜି ଜମ୍ମୁ ଓ କଶ୍ମୀର ମୁଖ୍ୟମନ୍ତ୍ରୀ ମହବୁବା ମୁଫ୍ତି ପ୍ରାର୍ଥିପତ୍ର ଦାଖଲ କରିଛନ୍ତି। ମୁଖ୍ୟମନ୍ତ୍ରୀ ଭାବେ ଶପଥ ନେବା ଦିନଠାରୁ ୬ ମାସ ମଧ୍ୟରେ ତାଙ୍କୁ ରାଜ୍ୟ ବିଧାନସଭାର ସଦସ୍ୟ ହେବା ଆବଶ୍ୟକ ଥିବାରୁ ସେ ଏହି ଉପ-ନିର୍ବାଚନ ଲଢୁଛନ୍ତି।
ମହବୁବା ମୁଫ୍ତିଙ୍କ ବାପା ତଥା ପୂର୍ବତନ ମୁଖ୍ୟମନ୍ତ୍ରୀ ମୁଫ୍ତି ମହମ୍ମଦ ସୟିଦଙ୍କର ଗତ ଜାନୁଆରୀ ୭ ତାରିଖରେ ପରଲୋକ ହୋଇଥିଲା। ସେ ଅନନ୍ତନାଗ ବିଧାନସଭା ଆସନରୁ ପ୍ରତିନିଧିତ୍ୱ କରୁଥିଲେ। ତେଣୁ ଏଠାରେ ଉପ-ନିର୍ବାଚନ କରାଯାଉଛି। ମୁଖ୍ୟମନ୍ତ୍ରୀ ମହବୁବା ଏବେ ଲୋକସଭାର ସଦସ୍ୟ ଅଛନ୍ତି।
ଆଜି ପ୍ରାର୍ଥିପତ୍ର ଦାଖଲ କରିବା ପରେ ମହବୁବା କହିଥିଲେ,“ମୋ ବାପାଙ୍କ ଉପରେ ଏ ଅଞ୍ଚଳର ଲୋକଙ୍କର ଭରସା ଥିଲା। ମୋ ଉପରେ ବି ସେମାନେ ଭରସା ରଖିବେ ବୋଲି ମୋର ଆଶା। ବାପାଙ୍କର ଅଧୁରା ସ୍ୱପ୍ନ ପୂରଣ କରିବା ପାଇଁ ସେମାନେ ମୋତେ ସୁଯୋଗ ଦେବେ ବୋଲି ମୁଁ ଆଶାବାଦୀ।”
ଅନନ୍ତନାଗ ଉପ-ନିର୍ବାଚନ ପାଇଁ କଂଗ୍ରେସ ପକ୍ଷରୁ ହିଲାଲ ଅହମଦ ଶାହଙ୍କୁ ପ୍ରାର୍ଥୀ କରାଯାଇଥିବା ବେଳେ ନ୍ୟାସ୍ନାଲ କନ୍ଫରେନ୍ସ ଇଫ୍ତିଖର ମିସ୍ଗରଙ୍କୁ ପ୍ରାର୍ଥୀ କରିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
