ଜମ୍ମୁ: ରଜୋରୀ ଜିଲ୍ଲାର ସୁନ୍ଦରବଣି ସେକ୍ଟରରେ ପାକିସ୍ତାନ ପକ୍ଷରୁ ଗୁଳି ବିନିମିୟ ହୋଇଛି ଏଥିରେ ଜଣେ ଯବାନ ଶହୀଦ ହୋଇଛନ୍ତି। ଗୁରୁବାର ରାତିରେ ପାକିସ୍ତାନ ଅସ୍ତ୍ରବିରତି ନିୟମ ଉଲ୍ଲଘଂନ କରିଛି। ପାକିସ୍ତାନ ସେନା ସୀମାରେ ଥିବା ଲୋକମାନେ ରହୁଥିବା ସ୍ଥାନକୁ ଗୁଳି କରିଥିଲେ। ଏହାଦ୍ୱାରା ସୀମାରେ ଥିବା କଠୁଆ-ସାମ୍ୱା ଅଞ୍ଚଳବାସୀଙ୍କ ଘର ଆଦି ଅଧିକ କ୍ଷତିଗ୍ରସ୍ତ ହୋଇଛି। ଗୁଳି ମାଡ଼ ହେଉଥିବା ଦେଖି ଗ୍ରାମବାସୀ ଦୌଡ଼ି ପଳାଇଥିଲେ। କେହି ମୃତାହତ ହୋଇନଥିବା ସେନା ପକ୍ଷରୁ କୁହାଯାଇଛି।
ସୂଚନାଯୋଗ୍ୟ, ପୁଲଓ୍ୱାମା ଶୈଳୀରେ ଦକ୍ଷିଣ କଶ୍ମୀରରେ ଆତଙ୍କବାଦୀ ଆକ୍ରମଣ କରିବାକୁ ଯୋଜନା କରିଛନ୍ତି। ମେ’୨୮ରେ ଆତଙ୍କବାଦୀଙ୍କ ଆତ୍ମଘାତୀ ଆକ୍ରମଣ ପଣ୍ଡ କରିଥିଲେ ସୁରକ୍ଷାକର୍ମୀ। ଏବେ ଆଉ ଥରେ ଆତ୍ମଘାତୀ ଆକ୍ରମଣ କରି ରକ୍ତର ହୋଲି ଖେଳିବାକୁ ପାକିସ୍ତାନର ଆତଙ୍କବାଦୀ ସଂଗଠନ ଜୈଶ-ଏ-ମହମ୍ମଦ ଷଡ଼ଯନ୍ତ୍ର ରଚିଥିବା ଗୁଇନ୍ଦା ରିପୋର୍ଟ ଦେଇଛି। ସେନା ଏ ନେଇ ସୂଚନା ପାଇବା ପରେ ଆଲର୍ଟ ରହିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
