ଇସଲାମାବାଦ: ପାକିସ୍ତାନର କରାଚିରେ ଥିବା ଏକ ପୁରୁଣା ହନୁମାନ ମନ୍ଦିରକୁ ଭାଙ୍ଗି ଦିଆଯାଇଛି। ଏହି ମନ୍ଦିରଟି ପ୍ରାୟ ୮୦ ବର୍ଷ ପୁରୁଣା। ଅର୍ଥାତ୍ ସ୍ୱାଧୀନତା ପୂର୍ବରୁ ବୋଲି କୁହାଯାଏ। ମନ୍ଦିରଟି ଲିୟାରି ଅଞ୍ଚଳରେ ରହିଛି। କେବଳ ଏତିକି ନୁହେଁ ଏହି ମନ୍ଦିର ନିକଟରେ ଥିବା ପ୍ରାୟ ୨୦ ହିନ୍ଦୁ ପରିବାରର ଘର ମଧ୍ୟ ଭାଙ୍ଗିଯାଇଛି।
ଏହି ପୁରୁଣା ହନୁମାନ ମନ୍ଦିର ଭଙ୍ଗାଯିବା ବେଳେ ସେଠାରେ ରହୁଥିବା ହିନ୍ଦୁ ମାନେ ବିରୋଧ କରିଥିଲେ। ତେବେ ପୁଲିସ ସଂପୃକ୍ତ ଅଞ୍ଚଳକୁ ସିଲ୍ କରି କରିଦେଇଥିଲା। ପାକିସ୍ତାନର ଦୈନିକ ଖବରକାଗଜ ଦି ଏକ୍ସପ୍ରେସ ଟ୍ରିବ୍ୟୁନରେ ଏହି ରିପୋର୍ଟ ପ୍ରକାଶ ପାଇଛି। ଏହି ମନ୍ଦିରକୁ ଏକ ବିଲଡର ଭାଙ୍ଗିଥିବା ଜଣାପଡ଼ିଛି। ଲିୟାରିର ସହକାରୀ କମିଶନର ଅବଦୁଲ କରିମ ମେମୋନ ବିଲଡରଙ୍କ ବିରୋଧରେ ତଦନ୍ତ ନିର୍ଦ୍ଦେଶ ଦେଇଥିବା ସୂଚନା ରହିଛି।
ସ୍ଥାନୀୟ ଲୋକ କହିଛନ୍ତି ଯେ ଜଣେ ବିଲଡର ମନ୍ଦିର ଚାରି ପାଖରେ ଜମି କିଣିଥିଲେ ଏବଂ ଏଠାରେ ଏକ କଲୋନୀ ନିର୍ମାଣ କରିବାକୁ ଚାହୁଁଥିଲେ। ତେବେ ଜମି କିଣିବା ବେଳେ ମନ୍ଦିରକୁ କଲୋନୀ ଛୁଇଁବ ନାହିଁ ବିଲଡର ପ୍ରତିଶୃତି ଦେଇଥିଲେ। ହେଲେ ପରବର୍ତ୍ତୀ ସମୟରେ ବିଲଡର ପ୍ରତିଶ୍ରୁତି ପାଳନ କରି ନଥିବା ଜଣାପଡ଼ିଛି। ତେବେ ବିଲଡର ମନ୍ଦିର ସହିତ ପାଖରେ ରହୁଥିବା ହିନ୍ଦୁମାନଙ୍କ ଘର ମଧ୍ୟ ଭାଙ୍ଗି ଦେଇଛନ୍ତି। ଯାହାକୁ ନେଇ ଅସନ୍ତୋଷ ତେଜିଛି।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
