ନୂଆଦିଲ୍ଲୀ: ନୂଆ ଲୁକ୍ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କର ଉଠାଯାଇଥିବା ଏକ ଫଟୋ ଇନ୍ଷ୍ଟାଗ୍ରାମ୍ରେ ଭାଇରାଲ୍ ହୋଇଛି। ଏହି ନୂଆ ଫଟୋକୁ ପ୍ରଧାନମନ୍ତ୍ରୀ ତାଙ୍କ ଇନ୍ଷ୍ଟାଗ୍ରାମ୍ ଏକାଉଣ୍ଟରେ ପୋଷ୍ଟ୍ କରିବାର ମାତ୍ର ୬ ଘଣ୍ଟା ମଧ୍ୟରେ ୧୦ ଲକ୍ଷରୁ ଅଧିକ ଲୋକ ଲାଇକ୍ କରିଥିଲେ।
ଏହି ଫଟୋରେ ମୋଦି ଚପଲ ପିନ୍ଧିଛନ୍ତି, ହାତରେ ଏକ ନୋଟ୍ବୁକ୍ ଓ ଫାଇଲ୍ ଧରିଥିବା ଦେଖିବାକୁ ମିଳିଛି। ତା’ସହିତ ବେକରେ ଏକ ଗାମୁଛା ପକାଇଛନ୍ତି ଏବଂ ଧୋତିକୁ ଲୁଙ୍ଗି ଷ୍ଟାଇଲ୍ରେ ପିନ୍ଧିଛନ୍ତି।
ମୋଦିଙ୍କ ଏହି ନୂଆ ଲୁକ୍ ଫଟୋ ପୋର୍ଟ ବ୍ଲେୟରରେ ଉଠାଯାଇଛି। ଇନ୍ଷ୍ଟାଗ୍ରାମ୍ରେ ଫଟୋ ପୋଷ୍ଟ୍ କରି ପ୍ରଧାନମନ୍ତ୍ରୀ ଲେଖିଛନ୍ତି- ସୁନ୍ଦର ପୋର୍ଟ ବ୍ଲେୟରରେ ଗୋଟିଏ ସକାଳ। ସୌନ୍ଦର୍ଯ୍ୟ ସମୟ ଓ ପାରଂପରିକ ପୋଷାକ। ଆମ ସ୍ୱାଧୀନତା ସଂଗ୍ରାମର ସାହସୀ ନାୟକମାନଙ୍କ ବିଷୟରେ ଚିନ୍ତା କରି, ଯେଉଁମାନେ ସ୍ୱାଧୀନତା ପାଇଁ ନିଜ ଜୀବନ ଦେଇଥିଲେ।
ଇନ୍ଷ୍ଟାଗ୍ରାମ୍ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ୧ କୋଟି ୬୦ ଲକ୍ଷ ଲୋକ ଫଲୋ କରନ୍ତି। ଏଯାବତ୍ ସେ ତାଙ୍କ ଇନ୍ଷ୍ଟାଗ୍ରାମ୍ ଏକାଉଣ୍ଟରେ ୨୪୩ଟି ଫଟୋ ଶେୟାର କରିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
