ଜୟପୁର: ରାଜସ୍ଥାନ ରାଜନୀତିରେ ଘଡ଼ିବେ ଘୋଡ଼ା ଛୁଟିବାରେ ଲାଗିଛି। ଜୁଲାଇ ୩୧ରେ ବିଧାନସଭା ଅଧିବେଶନ ଡାକିବାକୁ ରାଜ୍ୟପାଳ କଲାରାଜ ମିଶ୍ରଙ୍କୁ ୩ ଥର ପ୍ରସ୍ତାବ ପଠାଇ ନିରାଶ ହୋଇଥିବା ମୁଖ୍ୟମନ୍ତ୍ରୀ ଅଶୋକ ଗେହଲଟ ଏବେ ଆଭିମୁଖ୍ୟ ବଦଳାଇଛନ୍ତି। ଏବେ ଜୁଲାଇ ୩୧ ବଦଳରେ ଅଗଷ୍ଟ ୧୪ରେ ବିଧାନସଭା ଅଧିବେଶନ ଡାକିବାକୁ ସେ ରାଜ୍ୟପାଳଙ୍କ ପାଖକୁ ସାନି ପ୍ରସ୍ତାବ ପଠାଇଛନ୍ତି।
ନୂଆ ତାରିଖ ସ୍ଥିର କରିବାକୁ ଆଜି ଗେହଲଟଙ୍କ ଅଧ୍ୟକ୍ଷତାରେ କ୍ୟାବିନେଟ ବୈଠକ ବସିଥିଲା। ସର୍ବସମ୍ମତିକ୍ରମେ ନୂଆ ତାରିଖ ସଂପର୍କିତ ନିଷ୍ପତ୍ତି ପାରିତ ହୋଇଥିଲା। ଏହାପରେ ଏହି ପ୍ରସ୍ତାବକୁ ରାଜ୍ୟପାଳଙ୍କ ପାଖକୁ ପଠା ଯାଇଛି।
ପୂର୍ବରୁ ଗେହଲଟ ବିଧାନସଭା ଅଧିବେଶନ ଡାକିବାକୁ କହୁଥିଲେ ହେଁ ରାଜ୍ୟପାଳ ମିଶ୍ର ବିଧାୟକମାନଙ୍କୁ ଅତିକମରେ ୨୧ ଦିନର ନୋଟିସ୍ ପଠାଇବାକୁ ପରାମର୍ଶ ଦେଇଥିଲେ। ୨୧ ଦିନ ପରେ ହିଁ ବିଧାନସଭା ଅଧିବେଶନ ଡକା ଯାଇପାରିବ ବୋଲି ସେ ସର୍ତ୍ତ ରଖିଥିଲେ।
ଏହାକୁ ଦୃଷ୍ଟିରେ ଗେହଲଟ ସକରାର ୧୪ ତାରିଖରେ ବିଧାନସଭା ଅଧିବେଶନ ଡାକିବାକୁ ପ୍ରସ୍ତାବ ଦେଇଛନ୍ତି। ତେବେ ରାଜ୍ୟପାଳ ଏହାର ଉପରେ କ’ଣ ନିଷ୍ପତ୍ତି ନେବେ, ତା’ ଉପରେ ସମସ୍ତଙ୍କ ନଜର ରହିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
