ନୂଆଦିଲ୍ଲୀ: ଭାରତୀୟ ଜନତା ପାର୍ଟି (ବିଜେପି)ର ମୁଖପାତ୍ର ସମ୍ବିତ ପାତ୍ରଙ୍କୁ ହସ୍ପିଟାଲରୁ ଛୁଟି ମିଳିଛି। କରୋନା ଭାଇରସ୍ ଲକ୍ଷଣ ଦେଖା ଦେବାରୁ ଦୁଇ ସପ୍ତାହ ତଳେ ତାଙ୍କୁ ଗୁରୁଗ୍ରାମ ସ୍ଥିତ ମେଦାନ୍ତ ହସ୍ପିଟାଲରେ ଭର୍ତ୍ତି କରାଯାଇଥିଲା।
ତାଙ୍କର କରୋନା ପରୀକ୍ଷା ରିପୋର୍ଟ ନେଗେଟିଭ୍ ଆସିବା ପରେ ହସ୍ପିଟାଲରୁ ଜିସଚାର୍ଜ ମିଳିଛି। ହସ୍ପିଟାଲରୁ ଛୁଟି ମିଳିବା ସତ୍ତ୍ୱେ ସମ୍ବିତଙ୍କୁ ସମ୍ପୂର୍ଣ୍ଣ ସୁସ୍ଥ ହୋଇନାହାନ୍ତି ଏବଂ ଆଉ କିଛି ଦିନ ଘରେ ରହିବେ। ତେବେ ମଙ୍ଗଳବାର ସମ୍ବିତ ପାତ୍ର ଟ୍ୱିଟ୍ କରି ସମସ୍ତଙ୍କୁ ଧନ୍ୟବାଦ ଜଣାଇଛନ୍ତି।
आप सभी के आशीर्वाद और प्रार्थना के बल से मैं स्वास्थ्य लाभ कर अपने घर लौटा हूँ।
सम्पूर्ण रूप से ठीक होने में और थोड़ा वक्त लगेगा।
आप सभी को आपके आशीर्वाद के लिए मेरा दंडवत् प्रणाम🙏— Sambit Patra (@sambitswaraj) June 9, 2020
ସେ କହିଛନ୍ତି, "ଆପଣ ସମସ୍ତଙ୍କର ଆଶୀର୍ବାଦ ଓ ପ୍ରାର୍ଥନା ଯୋଗୁ ମୁଁ ସୁସ୍ଥ ହୋଇ ଘରକୁ ଫେରିପାଇଛି। ତେବେ ସମ୍ପୂର୍ଣ୍ଣ ଭାବେ ସୁସ୍ଥ ହେବା ପାଇଁ କିଛି ସମୟ ଲାଗିବ। ସମସ୍ତଙ୍କ ଆଶୀର୍ବାଦ ପାଇଁ ନତମସ୍ତକ।" ସୂଚନାଯୋଗ୍ୟ, ହସ୍ପିଟାଲରେ ସମ୍ବିତ ପାତ୍ରଙ୍କର ଭର୍ତ୍ତି ହେବା ଖବର ପାଇବା ମାତ୍ରକେ ବିଜେପି ନେତା ଜ୍ୟୋତିରାଦିତ୍ୟ ସିନ୍ଧିଆ ଓ ତେଜିନ୍ଦର ପାଲ୍ ସିଂହ ତାଙ୍କର ଶୀଘ୍ର ଆରୋଗ୍ୟ କାମନା କରିଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
