କାବୁଲ: ଆଫଗାନିସ୍ତାନର ପୂର୍ବତନ ମହିଳା ସାଂସଦ ମୁରସ ନାବିଜାଦା ଓ ତାଙ୍କର ଜଣେ ବଡିଗାର୍ଡଙ୍କୁ ଅଜଣା ଦୁର୍ବୃତ୍ତମାନେ ଗୁଳି କରି ହତ୍ୟା କରିଛନ୍ତି। ନାବିଜାଦା କାବୁଲ ସ୍ଥିତି ତାଙ୍କ ବାସଭବନରେ ଥିବା ବେଳେ ଏପରି ଘଟଣା ଘଟିଛି। ପୁଲିସ୍ ଏବେ ଦୁର୍ବୃତ୍ତମାନଙ୍କୁ ଠାବ କରିବାକୁ ଉଦ୍ୟମ ଜାରି ରଖିଛନ୍ତି।
୨୦୨୧ ଅଗଷ୍ଟରେ ତାଲିବାନ ବନ୍ଧୁକ ମୁନରେ ଆଫଗାନିସ୍ତାନକୁ ଦଖଲ କରିଥିଲା। ଏହାପରେ ଅନେକ ମହିଳା ସାଂସଦ ଭୟରେ ଦେଶ ଛାଡ଼ି ଦେଇଥିଲେ। ତେବେ ଆଫଗାନରେ ସାହାସ ଦେଖାଇ ରହିଥିବା କିଛି ହାତ ଗଣତି ମହିଳା ସାଂସଦଙ୍କ ମଧ୍ୟରେ ନାବିଜାଦା ରହିଥିଲେ।
ଏବେ କିନ୍ତୁ ସେ ହତ୍ୟାର ଶିକାର ହୋଇଛନ୍ତି। ତାଲିବାନ କ୍ଷମତା ଦଖଲ କରିବା ପରେ ପୂର୍ବରୁ ସରକାରରେ ଥିବା କୌଣସି ସାଂସଦ ବା ଅଧିକାରୀଙ୍କୁ ହତ୍ୟା କରାଯାଇଛି। ପୁଲିସ୍ କହିଛି ଯେ ଭୋର ପ୍ରାୟ ୩ଟା ବେଳେ ନାବିଜାଦା ଓ ତାଙ୍କ ବଡିଗାର୍ଡଙ୍କୁ ହତ୍ୟା କରାଯାଇଛି।
ଉଭୟ ଗୋଟିଏ ରୁମରେ ଥିବା ବେଳେ ଦୁର୍ବୃତ୍ତମାନେ ଗୁଳି କରିଛନ୍ତି। ଏହି ଗୁଳିମାଡ଼ରେ ତାଙ୍କ ଭାଇ ଓ ଆଉ ଜଣେ ବଡିଗାର୍ଡ ଆହତ ହୋଇଛନ୍ତି। ତୃତୀୟ ବଡିଗାର୍ଡ ଜଣଙ୍କ ଘରେ ଥିବା ଟଙ୍କା ଓ ଅଳଙ୍କାର ନେଇ ଫେରାର ହୋଇଛନ୍ତି। ନାବିଜାଦା ତାଙ୍କ ବାସଭବନର ପ୍ରଥମ ମହଲାକୁ ଅଫିସ ଭାବେ ବ୍ୟବହାର କରୁଥିଲେ। ସେହିଠାରେ ହିଁ ତାଙ୍କର ମୃତ୍ୟୁ ଘଟିଛି। ପୁଲିସ୍ ଘଟଣାର ତଦନ୍ତ କରୁଛି। ତଦନ୍ତ ପରେ ସବୁକଥା ସ୍ପଷ୍ଟ ହେବ ବୋଲି ପୁଲିସ୍ କହିଛି।
୩୨ ବର୍ଷୀୟ ନାବିଜାଦା ପୂର୍ବ ପ୍ରାନ୍ତର ନଙ୍ଗରହାରରେ ଜନ୍ମ ଗ୍ରହଣ କରିଥିଲେ। ତେବେ ୨୦୧୯ରେ ସେ କାବୁଲରୁ ଜିତି ସଂସଦକୁ ଯାଇଥିଲେ। ତାଲିବାନ ଆଫଗାନିସ୍ତାନକୁ ଦଖଲ କରିବା ଯାଏ ସେ ସାଂସଦ ଭାବେ କାର୍ଯ୍ୟ କରୁଥିଲେ।
A true trailblazer - a strong, outspoken woman who stood for what she believed in, even in the face of danger. Despite being offered the chance to leave Afghanistan, she chose to stay and fight for her people. We have lost a diamond, but her legacy will live on. Rest in peace. https://t.co/g0HjMPicl5
— Mariam Solaimankhil (@Mariamistan) January 15, 2023
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
