ୱାଶିଂଟନ: ଭୟଙ୍କର ଦୁର୍ଘଟଣା। ଦୁଇ ମେଟ୍ରୋ ଟ୍ରେନ୍ ମଧ୍ୟରେ ଧକ୍କା। ଏଥିରେ ଜଣଙ୍କର ମୃତ୍ୟୁ ଘଟିଥିବା ବେଳେ ୫୭ ଯାତ୍ରୀ ଗୁରୁତର ହୋଇଛନ୍ତି। ସେମାନଙ୍କୁ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରାଯାଇଛି। ଦକ୍ଷିଣ ଆମେରିକାର ମେକ୍ସିକୋରେ ଘଟିଛି ଏହି ଦୁର୍ଘଟଣା।
ସୂଚନା ମୁତାବକ, ମେକ୍ସିକୋ ସିଟିର ମେଟ୍ରୋ ଲାଇନ୍ ୩ରେ ଶନିବାର ଦୁଇଟି ଟ୍ରେନ୍ ମଧ୍ୟରେ ଧକ୍କା ହୋଇଥିଲା। ଏହି ଦୁର୍ଘଟଣା ଲା ରାଜା ଓ ପୋଟ୍ରେରୋ ଷ୍ଟେସନ ମଧ୍ୟରେ ଘଟିଥିଲା। ଏଥିରେ ଜଣଙ୍କ ମୃତ୍ୟୁ ଘଟିଥିବା ବେଳେ ୫୭ ଯାତ୍ରୀ ଗୁରୁତର ହୋଇଛନ୍ତି। ସେମାନଙ୍କୁ ଉଦ୍ଧାର କରି ଡାକ୍ତରଖାନାରେ ଭର୍ତ୍ତି କରାଯାଇଛି। ସମସ୍ତଙ୍କ ଚିକିତ୍ସା ଚାଲିଛି।
ମେକ୍ସିକୋ ଖବରକାଗଜ ଏଲ ୟୁନିଭର୍ସାଲ ଅନୁଯାୟୀ, ଡାକ୍ତରଖାନାରେ ଚିକିତ୍ସିତ ହେଉଥିବା ଆହତ ତଥା ଟ୍ରେନ ଧକ୍କାରେ ପ୍ରାଣ ହରାଇଥିବା ଯୁବତୀଙ୍କ ପରିବାରଙ୍କ ପ୍ରତି ମେକ୍ସିକୋ ସରକାର ସମବେଦନା ଜ୍ଞାପନ କରିଛନ୍ତି।
ଆହତମାନଙ୍କ ମଧ୍ୟରେ ଟ୍ରେନର ଡ୍ରାଇଭରଙ୍କ ଅବସ୍ଥା ଗୁରୁତର ରହିଛି। ଏଲ ୟୁନିଭର୍ସାଲ ରିପୋର୍ଟ ଅନୁଯାୟୀ ଟ୍ରେନରେ ଫସି ରହିଥିବା ଚାରି ଜଣଙ୍କୁ ଉଦ୍ଧାର କରାଯାଇ ଡାକ୍ତରଖାନାରେ ଭର୍ତ୍ତି କରାଯାଇଛି। ସରକାରଙ୍କ ସଚିବ, ସିଭିଲ ଡିଫେନ୍ସ, ବିସ୍ତୃତ ବିପଦ ପରିଚାଳନା ଏବଂ ମେଟ୍ରୋ ନିର୍ଦ୍ଦେଶକ ଘଟଣାସ୍ଥଳରେ ପହଞ୍ଚିଛନ୍ତି।
ମେକ୍ସିକୋର ରାଷ୍ଟ୍ରପତି ଆଣ୍ଡ୍ରେସ ମାନୁଏଲ ଲୋପେଜ ଓବ୍ରାଡୋର ଟୁଇଟ କରି କହିଛନ୍ତି, ମେକ୍ସିକୋ ସିଟି ମେଟ୍ରୋରେ ଘଟିଥିବା ଦୁର୍ଘଟଣା ପାଇଁ ମୁଁ ଦୁଃଖିତ। ଦୁର୍ଭାଗ୍ୟବଶତଃ ଜଣେ ବ୍ୟକ୍ତି ପ୍ରାଣ ହରାଇଛନ୍ତି ଏବଂ ଅନେକ ଆହତ ହୋଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
