ମଝି ଆକାଶରେ ଉଡ଼ୁଥିବା ବେଳେ ନିଖୋଜ ହୋଇଗଲା ବିମାନ, ଥିଲେ ୨୮ ଜଣ

ମସ୍କୋ: ପୁଣି ଗୋଟିଏ ବିମାନ ଦୁର୍ଘଟଣାର ଆଶଙ୍କା ପ୍ରକାଶ ପାଇଛି। ମଝି ଆକାଶରେ ଉଡ଼ୁଥିବା ବେଳେ ଗୋଟିଏ ଯାତ୍ରୀବାହୀ ବିମାନ ସହ ଯୋଗାଯୋଗ ବିଚ୍ଛିନ୍ନ ହୋଇଯାଇଛି। ନିଖୋଜ ହୋଇଯାଇଥିବା ବିମାନରେ ୨୮ ଜଣ ଯାତ୍ରୀ ଥିଲେ। ରୁଷର ଫାର ଇଷ୍ଟ ରିଜନରେ ଏହା ଉଡ଼ୁଥିବା ବେଳେ ନିଖୋଜ ହୋଇଯାଇଛି। ଏବେ ଏହାକୁ ଠାବ କରିବା ପାଇଁ ସର୍ଚ୍ଚ ଅପରେସନକୁ ଜୋରଦାର କରାଯାଇଛି।

ମିଳିଥିବା ସୂଚନା ଅନୁସାରେ, ରୁଷିଆନ ଏଏନ୍‌-୨୬ ବିମାନଟି ୨୮ ଜଣଙ୍କୁ ନେଇ ଉଡ଼ାଣ କରୁଥିବା ବେଳେ କାମଛତକା ପାହାଡ଼ିଆ ଅଞ୍ଚଳରେ ନିଖୋଜ ହୋଇଯାଇଛି। ବିମାନଟି ଅବତରଣ ପାଇଁ ଚେଷ୍ଟା କରୁଥିବା ବେଳେ ଏୟାର ଟ୍ରାଫିକ କଣ୍ଟ୍ରୋଲ ସହ ଏହାର ଯୋଗାଯୋଗ ବିଚ୍ଛିନ୍ନ ହୋଇଯାଇଥିଲା। ଏବେ ବିମାନଟି କେଉଁଠି ରହିଛି ଓ ଏହା ସୁରକ୍ଷିତ ଭାବେ ଲ୍ୟାଣ୍ଡ କରିଛି କି ନାହିଁ, ତା’ର ଯାଞ୍ଚ କରାଯାଉଛି। ଘଟଣାଟି ବର୍ତ୍ତମାନ ସାମ୍ନାକୁ ଆସିଥିବାରୁ ଏ ସମ୍ପର୍କରେ କୌଣସି ବିସ୍ତୃତ ସୂଚନା ମିଳିପାରି ନାହିଁ।


ସୂଚନାଯୋଗ୍ୟ, ଦୁଇ ଦିନ ତଳେ ଫିଲିପାଇନ୍ସର ଗୋଟିଏ ବାୟୁସେନା ବିମାନ ଦୁର୍ଘଟଣାଗ୍ରସ୍ତ ହୋଇଥିଲା। ଏଥିରେ ୪୭ ଜଣଙ୍କ ମୃତ୍ୟୁ ଘଟିଥିବା ବେଳେ ୪୯ ଜଣ ଆହତ ହୋଇଥିଲେ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।