ଭୁବନେଶ୍ୱର: ଶ୍ରୀକ୍ଷେତ୍ର ଅଭିମୁଖେ ଗଡି ଚାଲିଛି ବଳଭଦ୍ରଙ୍କ ଦାରୁ ଶଗଡି। ଗତକାଲି ଅପରାହ୍ଣରେ କଟକ- ଭୁବନେଶ୍ୱର ମଝି ଭାଣପୁରରୁ ଯାତ୍ରା ଆରମ୍ଭ କରିଥିବା ଦାରୁ ଶଗଡି ମଧ୍ୟ ରାତ୍ରୀରେ ଭୁବନେଶ୍ୱର ଉପକଣ୍ଠ ପଣ୍ଡରା ନିକଟରେ ଜଗନ୍ନାଥ ମନ୍ଦିର ନିକଟରେ ପହଞ୍ଚିଥିଲା। ପାଟ୍ଟବସ୍ତ୍ର ଓ ପୁଷ୍ପ ମଣ୍ଡିତ ଦିବ୍ୟଦାରୁଙ୍କ ଦର୍ଶନ ପାଇଁ ଲୋକାରଣ୍ୟ ହୋଇପଡିଥିଲା କଟକ-ଭୁବନେଶ୍ୱର ରାସ୍ତାର ଉଭୟ ପାଶ୍ୱର୍। ଘଣ୍ଟଗଣ୍ଟା ସଂଙ୍କୀର୍ତ୍ତନ ସାଙ୍ଗକୁ ହୁଳହୁଳି ହରିବୋଲି ଧ୍ୱନି କମ୍ପି ଉଠୁଥିଲା ପରିବେଶ। ବଡ଼ଠାକୁର ବଳଭଦ୍ରଙ୍କ ଶ୍ରୀଦାରୁଙ୍କୁ ସ୍ୱଗତ କରିବା ପାଇଁ କିଏ ପବିତ୍ର ପାଣି ଛିଞ୍ଚି ରାସ୍ତା ଧୋଇ ଦେଉଥିଲେ ତ କିଏ ଫୁଲ ଝୋଟିରେ ସଜେଇ ଦେଉଥିଲେ ରାସ୍ତାକୁ । ଆଉ କିଏ ପୁଣି ଶାଢୀ ବିଛେଇ ଦେଉଥିଲେ ରାସ୍ତା ଉପରେ। ଶ୍ରୀ ଦାରୁଙ୍କ ଦିବ୍ୟରୂପ ଦର୍ଶନ କରି କୃତ୍ୟ କୃତ୍ୟ ହୋଇପଡୁଥିଲେ ଭକ୍ତ । କିଛି ନୀତି ଶେଷ ହେବାପରେ ଆଜି ଅପରାହ୍ଣରେ ପାଣ୍ଡରାରୁ ପୁଣି ଶ୍ରୀକ୍ଷେତ୍ର ଅଭିମୁଖେ ଗଡ଼ି ଚାଲିବ ଦାରୁ ଶଗଡି ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।