ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର: ସୀମା ଡେଉଁଛି ଅସଦାଚରଣ ମାମଲା। ନାରୀ ନିର୍ଯାତନାର ଆଉ ଏକ କରୁଣ କାହାଣୀ। ସୋସିଆଲ ମିଡିଆରେ ଭାଇରାଲ ହେଲା ଭିଡିଓ। ଜଣେ ବିବାହିତ ମହିଳାଙ୍କୁ ଧମକଚମକ ଦେଇ ବ୍ଲାକମେଲିଂ କରାଯାଉଥିବା ଦୃଶ୍ୟ ଏହି ଭିଡିଓରେ ରହିଛି। ଯୁବତୀ ଜଣଙ୍କୁ ଛାଡ଼ି ଦେବା ପାଇଁ ନିଜେ କାକୁତି ମିନତି ହେଉଥିବା ବେଳେ ସମ୍ପୃକ୍ତ ଅସାମାଜିକ ଯୁବକମାନେ ତାଙ୍କ ଗୁହାରୀ ଶୁଣୁ ନ ଥିବା ଦୃଶ୍ୟମାନ ହେଉଛି। ବରଂ ସେମାନଙ୍କ ଦୁର୍ବ୍ୟବହାର ସବୁ ସୀମା ଲଂଘନ କରି ଯାଇଥିଲା। ମହିଳା ଜଣଙ୍କୁ ଜବରଦସ୍ତ ଡ୍ରେସ୍ ବାହାର କରିବାକୁ ଧମକ ଦେଇ ତାଙ୍କର ଭିଡିଓ ସୁଟ୍‌ କରୁଥିଲେ। ମହିଳା ଜଣକ ପରିବା ନେଇ ଘରକୁ ଯିବା ପାଇଁ କହି କାନ୍ଦି ବୋବାଳି ହେଉଥିଲେ ମଧ୍ୟ ତାଙ୍କ କଥାକୁ ଦୁର୍ବୃତ୍ତମାନେ ଜମା କର୍ଣ୍ଣ ପାତ କରି ନଥିଲେ।</p> <p>ନିର୍ଜନ ସ୍ଥାନ ହୋଇଥିବାରୁ ମହିଳାଙ୍କ ଅସହାୟତାର ଫାଇଦା ନେଇ ଅତି ଅମାନୁଷିକଭାବେ ନିର୍ଯାତନା ଦେଇଥିଲେ ଯୁବକ। ପଚାରୁଛନ୍ତି ତୁମ ଘର କେଉଁଠି, କେଉଁଠି ରହୁଛୁ, ନାମ କ’ଣ। ବାହା ହେଇଛୁ କି ? ଏମତି କେତେ କ’ଣ ଇଆସିଆଡ଼ୁ ପ୍ରଶ୍ନରେ ଯୁବତୀ ଜଣକ ଘାଇଲା ହେଉଛନ୍ତି। ଯୁବତୀ ଜଣକ ଡରିମରି ଉତ୍ତର ଦେଉଥିବା ଭିଡିଓରେ ଦୃଶ୍ୟମାନ ହେଉଛି। ମଝିରେ ମଝିରେ ଯୁବତୀ ଜଣକ ପାଣି ପାଇଁ ମଧ୍ୟ ଚିତ୍କାର କରୁଥିବା ଦେଖାଯାଉଛି।</p> <p>ତେବେ ପୀଡ଼ିତା ଏବଂ ଅସଦାଚରଣ କରୁଥିବା ଯୁବକଙ୍କ ସମ୍ପର୍କରେ କୌଣସି ତଥ୍ୟ ମିଳି ନ ଥିବା ବେଳେ କଥାବାର୍ତ୍ତାରୁ କେନ୍ଦୁଝର ଶବ୍ଦ ବ୍ୟବହାର କରାଯାଇଥିବା ଶୁଣିବାକୁ ମିଳିଛି। ତେବେ ଏମିତି ଘଟଣା ବାରମ୍ବାର ଘଟୁଥିବାରୁ ନାରୀ ସୁରକ୍ଷାକୁ ନେଇ ପ୍ରଶ୍ନବାଚୀ ସୃଷ୍ଟି କରିଛି। ଗତକାଲି ଏମତି ଏକ ଭିଡିଓ ଗଣମାଧ୍ୟମରେ ଚାଞ୍ଚଲ୍ୟ ସୃଷ୍ଟି କରିଥିଲା। ଏକ କଲେଜ ପଢୁଆ ପ୍ରେମୀଯୁଗଳଙ୍କୁ ବ୍ଲାକମେଲିଂ କରି ଉଲଗ୍ନ କରାଯାଇଥିବା ଅଭିଯୋଗ ଆସିଥିଲା। ପ୍ରଥମେ ଏହି ଭିଡିଓଟି ଭୁବନେଶ୍ୱରର ବୋଲି ଚର୍ଚ୍ଚା ହୋଇଥିଲା ପରେ ତାହା ମୟୁରଭଞ୍ଜ ଜିଲ୍ଲାର ବୋଲି ପୋଲିସ ତଦନ୍ତ କରି ଜାଣିବାକ ପାଇଥିଲା। ସେହି ଘଟଣାରେ ପୋଲିସ ଆଜି ୩ ଜଣଙ୍କୁ ଗିରଫ କରିଛି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
