ବୀରଗୋବିନ୍ଦପୁରରେ ପହଞ୍ଚିଲା ଶ୍ରୀସୁଦର୍ଶନଙ୍କ ଦାରୁ ଶଗଡି

ଭୁବନେଶ୍ୱର: ଶ୍ରୀକ୍ଷେତ୍ର ଅଭିମୁଖେ ଯାତ୍ରା ଆରମ୍ଭ କରୁଥିବା ଶ୍ରୀ ସୁଦର୍ଶନ ମହାପ୍ରଭୁଙ୍କ ଦାରୁ ଆଜି ବୀରଗୋବିନ୍ଦପୁରରେ ପହଞ୍ଚିଛି। ଗତକାଲି ରାତିରେ ଏକ ବର୍ଣ୍ଣାଢ୍ୟ ଶୋଭାଯାତ୍ରାରେ ଆଲମଚଣ୍ଡିରେ ରାତ୍ରିଯାପନ କରିବା ପରେ ଦଇତାପତି ସେବାୟତମାନେ ଆସନ୍ତାକାଲି ସକାଳେ ପୁରୀରେ ପହଞ୍ଚିବେ। ତେବେ ଭୁବନେଶ୍ୱର ଉପକଣ୍ଠ ଗଡ଼କଣ୍ଣୁଣିଆରୁ ଆରମ୍ଭ ହୋଇଥିଲା ସୁଦର୍ଶନଙ୍କ ଶଗଡି ଯାତ୍ରା।

ପ୍ରଥମ ଦିନରେ ଶଗଡି ଯାଇ ପହଞ୍ଚିଥିଲା ପିପିଲିଠାରେ। ରାସ୍ତାସାରା ପାଟ୍ଟବସ୍ତ୍ରରେଗୁଡା ହୋଇଥିବା ଶ୍ରୀ ସୁଦର୍ଶନଙ୍କ ଦାରୁଙ୍କୁ ମେଲାଣୀ ଦେଇଥିଲେ ସ୍ଥାାନୀୟ ଲୋକେ । ଶ୍ରୀକ୍ଷେତ୍ରରେ ପହଞ୍ଚିବା ପରେ ସଙ୍କୀର୍ତ୍ତନ ମଣ୍ଡଳୀ, ସେବାୟତ, ସାଧାରଣ ଜନତା ସମେସ୍ତେ ଦାରୁ ଶଗଡିକୁ ପାଛୋଟି ନେବେ । ଏହି ଦାରୁ ଶଗଡି ଉତ୍ତରଦ୍ୱାର ଦେଇ  କୋଇଲି ବୈକୁଣ୍ଠରେ ପହଞ୍ଚିବା ନେଇ ସମୟ ଧାର୍ଯ୍ୟ ହୋଇଛି ।

ଏହାପରେ ଦଇତାପତି ଓ ବ୍ରହ୍ମାଣମାନେ ଶ୍ରୀ ବଳଭଦ୍ରଙ୍କ ଦାରୁ ଠାବ ହୋଇଥିବା ଝଙ୍କଡ ପୀଠକୁ ଯାତ୍ରା କରିବେ ।