ବ୍ରହ୍ମପୁର: ବ୍ରହ୍ମପୁର ଲାଞ୍ଜିପାଲ୍ଲୀ ବାଇପାସର ଦୁଇଜଣ ଯୁବକଙ୍କୁ ଗୁଳି କରି ହତ୍ୟା ଘଟଣାର ଏଯାଏଁ ଧରାପଡିନାହାନ୍ତି ଅଭିଯୁକ୍ତ। ମୃତକ ଦୁହିଁଜଣଙ୍କ ମଧ୍ୟରୁ ଜଣଙ୍କର ପରିଚୟ ମିଳିଥିବାବେଳେ ଅନ୍ୟଜଣଙ୍କର ପରିଚୟ ଜଣାପଡିନାହିଁ। ପରିଚୟ ମିଳିଥିବା ଯୁବକଙ୍କ ଘର ବିହାର। ତାଙ୍କ ନାମ ଲାଲୁ କୁମାର ଯାଦବ। ଗତକାଲି ୮ରୁ ୯ଜଣ ଲୋକ ଛତ୍ରପୁର ରେଳ ଷ୍ଟେସନରେ ଓହ୍ଲାଇ ୨ଟି ଅଟୋରେ ବ୍ରହ୍ମପୁର ଅଭିମୁଖେ ଆସିଥିଲେ। ବାଟରେ କିଛି ଦୁର୍ବୃତ୍ତ ଗୋଟିଏ ଅଟୋକୁ ଅଟକାଇ ଦୁଇଜଣ ଯୁବକଙ୍କୁ ଗୁଳି କରିଥିଲେ। ଏହାପରେ ଜଣେ ସ୍ଥାନୀୟ ଯୁବକଙ୍କୁ ପିସ୍ତଲ ଦେଖାଇ ତାଙ୍କ ମୋଟର ସାଇକେଲ ନେଇ ଫେରାର୍ ହୋଇଯାଇଥିଲେ। ଅନ୍ୟପକ୍ଷେ ମୃତକଙ୍କ ବ୍ୟତୀତ ଅଟୋରେ ଥିବା ଅନ୍ୟମାନେ ମଧ୍ୟ ଫେରାର୍ ହୋଇଯାଇଛନ୍ତି। ଲୁଟ ଟଙ୍କା ଭାଗବଣ୍ଟାକୁ ନେଇ ଏହି ହତ୍ୟାକାଣ୍ଡ ଘଟିଥିବା ଅନୁମାନ କରାଯାଉଛି। ପୋଲିସ ଦୁଇ ଅଟୋଚାଳକଙ୍କୁ ଅଟକ ରଖି ପଚରାଉଚରା ଚଳାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
