କ୍ରେନ୍‌ ତଳେ ଛଟପଟ ହେଲେ ୨ ବାଇକ୍‌ ଆରୋହୀ, ଶେଷରେ…

ନୂଆପଡ଼ା(ମାୟାଧର ସରାଫ): କ୍ରେନ୍‌ ତଳେ ଦୀର୍ଘ ଘଣ୍ଟାଏ କାଳ ଚାପି ହୋଇଗଲେ ୨ ବାଇକ୍‌ ଆରୋହୀ। ବହୁ କଷ୍ଟରେ ଉଭୟଙ୍କୁ ଉଦ୍ଧାର କରାଯାଇଥିବା ବେଳେ ସେମାନେ ସୁରକ୍ଷିତ ଥିବା ଜଣାଯାଇଛି। ଏପରି ଅଭାବନୀୟ ଘଟଣା ଆଜି ସକାଳେ ନୂଆପଡା ଜିଲ୍ଲା ଖଡ଼ଇାଳ ବୋଡେନ ଛକରେ ଘଟିଯାଇଛି। ଆହତଦ୍ୱୟ ହେଲେ ଖଡିଆଳର ରୋମାଞ୍ଚଲ ସାହୁ ଏବଂ ମଣ୍ଡୋସିଲ ଗାଁର କାହ୍ନୁ ସାହୁ  ।

ଆଜି ସକାଳେ ରୋମାଞ୍ଚଲ ଓ କାହ୍ନୁ ବାଇକ୍‌ରେ ଯାଉଥିଲେ। ମାତ୍ର ଖଡିଆଳର ବୋଡେନ ଛକରେ ଏକ କ୍ରେନ୍ ସେମାନଙ୍କ ବାଇକ୍‌କୁ  ଧକ୍କା ଦେଇଥିଲା । ଫଳରେ ବାଇକ୍‌ ଆରୋହୀ ୨ ଜଣ କ୍ରେନ୍‌ ତଳେ ପଶି ଯାଇଥିଲେ ।

ଖବର ପାଇ ପୁଲିସ, ଅଗ୍ନିଶମ ବିଭାଗ ଓ ସାଧାରଣ ଲୋକଙ୍କ ଉଦ୍ୟମରେ ଘଣ୍ଟାଏ ପରେ ୨ ଯୁବକଙ୍କୁ ଉଦ୍ଧାର କରାଯାଇଛି  ।  ସେମାନଙ୍କ ମଧ୍ୟରୁ ରୋମାଞ୍ଚଳ ଅଳ୍ପ ଆହତ ହୋଇ ଥିବା ବେଳେ କାହ୍ନୁଙ୍କ ଗୋଡରେ ଗୁରୁତର ଆଘାତ ଲାଗିଛି । ଉଭୟଙ୍କୁ ଖଡିଆଳ ମିଶନ ହସ୍ପିଟାଲରେ ଭର୍ତ୍ତି କରାଯାଇଛି । ଏହି ଦୁର୍ଘଟଣା ଯୋଗୁ ଘଣ୍ଟାଏ କାଳ ରାସ୍ତାରେ ଯାନବାହାନ ଚଳାଚଳ ବନ୍ଦ ରହିଥିଲା । ପରେ ଏହା ସ୍ୱାଭାବିକ ହୋଇଥିଲା।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।