ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ମାଲକାନଗିରି (ଓଡ଼ିଶା ରିପୋର୍ଟର): ଯାଇଥିଲେ ଝିଅର ସଂସାର ବଞ୍ଚାଇବାକୁ। କିନ୍ତୁ ନିଜ ସଂସାର ଛାଡ଼ି ଦେଲେ। ସାଥୀରେ ଝିଅ ମଧ୍ୟ ଚାଲିଗଲା। ସମୁଦି ଘରୁ ବାହାରିଲା ଝୁଲନ୍ତା ମୃତଦେହ। ଝିଅ ବି ଝୁଲୁଥିଲା ପଙ୍ଖାରେ। ପୂରା ମାଲକାନଗିରିରେ ଚହଳ ପକାଇ ଦେଇଛି ବାପ-ଝିଅଙ୍କ ଏହି ମୃତ୍ୟୁ ଘଟଣା। ଏପର୍ଯ୍ୟନ୍ତ ଏହା ହତ୍ୟା କି ଆତ୍ମହତ୍ୟା ସ୍ପଷ୍ଟ ହୋଇନି। ଘଟଣାଟି ଘଟିଛି ଏମ୍‌ଭି-୭୯ ଗାଁରେ।</p> <p>ମାଲକାନଗିରି ଜିଲ୍ଲା ଏମ୍‌ଭି-୧୧୨ ଗାଁର ସପନ ସରକାର। ଦୁଇ ବର୍ଷ ତରେ ତାଙ୍କ ଝିଅ ଅଞ୍ଜଳିଙ୍କର ଏମଭି-୭୯ ଥାନା ଅନ୍ତର୍ଗତ ଇରିଗେସନ କଲୋନୀରେ ବାହାଘର ହୋଇଥିଲା। ବାହାଘର ପରେ ଅଞ୍ଜଳିଙ୍କୁ ଶ୍ୱଶୁର ଘର ଲୋକେ ଯୌତୁକ ନିର୍ଯାତନା ଦେଉଥିବା ଅଭିଯୋଗ ହୋଇଥିଲା। ଏ ସମ୍ପର୍କରେ ଖବର ପାଇ ସପନ ଗତକାଲି ଝିଅ ଘରକୁ ଯାଇଥିଲେ। ଭାବିଥିଲେ ବୁଝାଶୁଝା କରି ଝିଅର ସଂସାର ବଞ୍ଚାଇଦେବେ। କିନ୍ତୁ ଜାଣିନଥିଲେ ଝିଅ ସହିତ ନଜର ମଧ୍ୟ ମୃତ୍ୟୁ ହୋଇଯିବ।</p> <p>ଆଜି ସକାଳେ ଅଞ୍ଜଳିଙ୍କ ଶ୍ୱଶୁର ଘର କବାଟ ବନ୍ଦ ରହିଥିଲା। ଦୀର୍ଘ ସମୟ ଧରି କବାଟ ବନ୍ଦ ରହିଥିବାରୁ ପଡୋଶୀଙ୍କ ମନରେ ସନ୍ଦେହ ହୋଇଥିଲା। ଝରକା ଫାଙ୍କରେ ପୃଥକ କୋଠରୀ ବାପ-ଝିଅଙ୍କ ଝୁଲନ୍ତା ମୃତ ଦେହ ଦେଖି ତାଜୁବ ହୋଇଯାଇଥିଲେ ପଡ଼ୋଶୀ। ପରେ ଏନେଇ ଏମ୍‌ଭି-୭୯ ଥାନାରେ ଅଭିଯୋଗ କରିଥିଲେ। ମୃତ ସପନଙ୍କ ପୁଅଙ୍କ ଅଭିଯୋଗ କ୍ରମେ ପୋଲିସ ମାଜିଷ୍ଟ୍ରେଟଙ୍କ ଉପରେ ଦୁଇଟି ମୃତଦେହ ଓ ଦୁଇଟି ସୁଇସାଇଡାଲ୍‌ ନୋଟ୍‌ ଜବତ କରି ମାମଲା ରୁଜୁ ତଦନ୍ତ ଆରମ୍ଭ କରିଦେଇଛି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
