ପଟ୍ଟାମୁଣ୍ଡାଇ(ପ୍ରବୀର କୁମାର ନାୟକ): କେନ୍ଦ୍ରାପଡ଼ା ଜିଲ୍ଲା ରାଜନଗର ଥାନା ଅନ୍ତର୍ଗତ ପେଣ୍ଠ ଗାଁ ନିକଟ ସମୁଦ୍ରକୂଳରେ ବିଛା ଯାଇଥିବା ଜିଓ ସିନ୍ଥେଟିକ୍ ଟ୍ୟୁବ୍ରେ ଗତକାଲି ରାତିରେ ନିଆଁ ଲାଗି ଯାଇଥିଲା। ଫଳରେ ୧୫ରୁ ୨୦ ଫୁଟ୍ ଯାଏ ଜିଓ ସିନ୍ଥେଟିକ୍ ଟ୍ୟୁବ୍ ପୋଡ଼ି ଯାଇଥିବା ଜଣାପଡ଼ିଛି।
ଗତକାଲି ବିଳମ୍ୱିତ ରାତିରେ ଏଥିରେ ନିଆଁ ଲାଗିଥିବା କୁହାଯାଉଛି। ଭୋର୍ ବେଳକୁ କିଛି ଗ୍ରାମବାସୀ ଏଥିରେ ନିଆଁ ଲାଗିଥିବା ଦେଖି ଦମକଳ ବାହିନୀକୁ ଖବର ଦେଇଥିଲେ। ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲା।
ଏ ଅଗ୍ନିକାଣ୍ଡ କେମିତି ଘଟିଲା, ତାହା ସ୍ପଷ୍ଟ ହୋଇପାରିନି। ସନ୍ଦେହ କରାଯାଉଛି, କେହି ସିଗାରେଟ୍ ଆଦି ଟାଣି ସେଠାରେ ଫୋପାଡ଼ି ଦେଇଥିବାରୁ ଏହି ଅଗ୍ନିକାଣ୍ଡ ଘଟିଥିଲା।
ରାଜନଗର ଉପକୂଳରେ ଥିବା ୫୪ ଗାଁକୁ ସମୁଦ୍ର ଦାଉରୁ ରକ୍ଷା କରିବାକୁ ଏହି ଜିଓ ସିନ୍ଥେଟିକ୍ ଟ୍ୟୁବ୍ ବିଛା ଯାଇଛି। କେନ୍ଦ୍ର ସରକାର ୩୩ କୋଟି ଟଙ୍କା ବ୍ୟୟରେ ଏହି ପ୍ରକଳ୍ପ ନିର୍ମାଣ କରିଛନ୍ତି। ଏହା ଦେଶର ଦ୍ୱିତୀୟ ଏଭଳି ପ୍ରକଳ୍ପ ହୋଇଥିବା ବେଳେ ରାଜ୍ୟରେ ପ୍ରଥମ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
