ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର (ଓଡ଼ିଶା ରିପୋର୍ଟର): ଘୋଟି ଆସିଲାଣି କାଳାହାଣ୍ଡିଆ ମେଘ। ମଝିରେ ମଝିରେ କୋହଲା ପବନ ବହୁଛି। ଆଉ ମାତ୍ର କେଇ ଘଣ୍ଟା ପରେ ଓଡ଼ିଶାରେ ମୂଷଳ ଧାରାରେ ବର୍ଷିବ। ପାଣିପାଗ ବିଭାଗ କହିଛି, ଆଜିଠୁ ଦକ୍ଷିଣ ଓଡ଼ିଶାର ୪ଟି ଜିଲ୍ଲାରେ ବିକ୍ଷିପ୍ତ ଭାବେ ବର୍ଷା ହେବ। ୯ ଓ ୧୦ ତାରିଖରେ ଖୋର୍ଦ୍ଧା, କଟକ, ପୁରୀ, କେନ୍ଦ୍ରାପଡ଼ା, ଜଗତସିଂହପୁର, ଗଞ୍ଜାମ, ଗଜପତି, ରାୟଗଡ଼ା, ମାଲକାନଗିରି ଓ କୋରାପୁଟ ଜିଲ୍ଲାରେ ପ୍ରବଳରୁ ଅତି ପ୍ରବଳ ବର୍ଷା ହେବ। ଏହି ସମୟରେ ଉପକୂଳ ଓଡ଼ିଶାରେ ପବନର ସର୍ବାଧିକ ବେଗ ଘଣ୍ଟାକୁ ୬୦ କିଲୋମିଟର ରହିବ। ଏନେଇ ସୂଚନା ଦେଇଛନ୍ତି ଭୁବନେଶ୍ୱର ଆଞ୍ଚଳିକ ପାଣିପାଗ ବିଭାଗ କେନ୍ଦ୍ରର ନିର୍ଦ୍ଦେଶକ ଡକ୍ଟର ଶରତ ଚନ୍ଦ୍ର ସାହୁ।</p> <p>ସମ୍ଭାବ୍ୟ ବର୍ଷାକୁ ନେଇ ଚାଷୀ ଛାନିଆ। ଗୋଟିକ ପରେ ଗୋଟିଏ ବିପଦ ମାଡି ଆସୁଥିବାରୁ ହଜି ଯାଇଛି ଚଷା ପୁଅର ନିଦ। ବିଲରେ ପାଚିଲା ଧାନ ଠିଆ ହୋଇଥିବା ବେଳେ ମଣ୍ଡିରେ ଖୋଲା ଆକାଶ ତଳେ ଗଦା ହୋଇଛି ଚାଷୀର ଭାଗ୍ୟ। ଏଫ୍‌ଏକ୍ୱ୍ୟୁ ଆଳରେ ଅନେକ ସ୍ଥାନରେ ଧାନ ଉଠାଇ ନାହାନ୍ତି ମିଲର। ତେବେ ପୂର୍ବଥର ଭଳି ଏଥର ମଧ୍ୟ ସରକାର ଶୁଣାଇଛନ୍ତି ଅଭୟବାଣୀ। ଚିନ୍ତା କରିବା ଦରକାର ନାହିଁ, ମୁକାବିଲା ପାଇଁ ପ୍ରସ୍ତୁତ ଅଛୁ ବୋଲି ସରକାର କହିଛନ୍ତି।</p> <p>ସ୍ୱତନ୍ତ୍ର ରିଲିଫ୍ କମିଶନର ବିଷ୍ଣୁପଦ ସେଠୀ କହିଛନ୍ତି-“ଅମଳ ଧାନକୁ ଖଳାକୁ ଆଣି ଘୋଡ଼ାଇ ରଖିବାକୁ ଚାଷୀଙ୍କୁ ପରାମର୍ଶ ଦିଆଯାଇଛି। ତେବେ ବର୍ଷାର ମୁକାବିଲା ପାଇଁ ରାଜ୍ୟ ସରକାର ସମ୍ପୂର୍ଣ୍ଣ ପ୍ରସ୍ତୁତ ଅଛନ୍ତି।”</p> <p>ରାଜସ୍ୱ ମନ୍ତ୍ରୀ ମହେଶ୍ୱର ମହାନ୍ତି କହିଛନ୍ତି-“ଲଘୁଚାପ ବର୍ଷାର ମୁକାବିଲା ପାଇଁ ରାଜ୍ୟ ସରକାର ସତର୍କ ସୂଚନା ଜାରି କରିଛନ୍ତି। ଏଥିପାଇଁ କେହି ବ୍ୟସ୍ତ ହେବାର ନାହିଁ। ଏହି ସମୟରେ ମତ୍ସ୍ୟଜୀବୀମାନେ ସମୁଦ୍ର ଭିତରକୁ ନଯିବାକୁ ମଧ୍ୟ ପରାମର୍ଶ ଦିଆଯାଇଛି।”</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
