ଭୁବନେଶ୍ୱର (ଓଡ଼ିଶା ରିପୋର୍ଟର): ୧୯୯୪ ବ୍ୟାଚ୍ ଓଡ଼ିଶା କ୍ୟାଡର୍ ଆଇଏଏସ୍ ଅପରାଜିତା ଷଡ଼ଙ୍ଗୀଙ୍କ ସ୍ୱେଚ୍ଛାକୃତ ଆବେଦନକୁ ମିଳିଛି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅନୁମୋଦନ। ଆଉ ଏକଥା ନିଜେ ଅପରାଜିତା ଟ୍ୱିଟ୍ କରି ଜଣାଇବା ସହିତ ଏଥିପାଇଁ ମୋଦିଙ୍କୁ ଧନ୍ୟବାଦ ଜଣାଇଛନ୍ତି। ଏଥିସହିତ ଜଗନ୍ନାଥଙ୍କର ଆଶୀର୍ବାଦ ଏବଂ ଓଡ଼ିଶାବାସୀଙ୍କର ଶୁଭେଚ୍ଛା ମଧ୍ୟ ମାଗିଛନ୍ତି।
I just received my order finally approved by our Hon'ble Prime Minister today. I am grateful to him for his kind acceptance and approval.
I look forward to the next journey with enthusiasm, positivity and optimism.
I seek the blessings of Lord Jagannath and good wishes of all.— Aparajita Sarangi (@AprajitaSarangi) November 16, 2018
୧୧.୧୬ ମନିଟ୍ରେ ସେ କରିଥିବା ଏହି ଟ୍ୱିଟ୍ରେ କହିଛନ୍ତି, “ପ୍ରଧାନମନ୍ତ୍ରୀ ମୋ ଆବେଦନକୁ ଅନୁମୋଦନ ଦେଇଥିବା ମୁଁ ଏବେଏବେ ଜାଣିବାକୁ ପାଇଲି। ସେ ଏହାକୁ ଗ୍ରହଣ କରିଥିବାରୁ ମୁଁ ତାଙ୍କ ନିକଟରେ କୃତଜ୍ଞ। ମୋର ଆଗାମୀ ଯାତ୍ରା ଉତ୍ସାହଜନକ, ସକାରାତ୍ମକ ଏବଂ ଆଶାବାଦୀ ହେବ। ମୁଁ ଜଗନ୍ନାଥଙ୍କର ଆଶୀର୍ବାଦ ଏବଂ ଆପଣମାନଙ୍କର ଶୁଭେଚ୍ଛା ମଧ୍ୟ ମାଗିଛନ୍ତି।”
ଏହି ଟ୍ୱିଟ୍ରୁ ସେ ସ୍ପଷ୍ଟ କରିଦେବାକୁ ଚାହିଁଛନ୍ତି ପ୍ରଶାସନିକ ଜୀବନଠାରୁ ତାଙ୍କର ନୂତନ ଜୀବନ ଭିନ୍ନ ହେବ। ଓଡ଼ିଶାରେ ବିଭିନ୍ନ ଦାୟିତ୍ୱ ତୁଲାଉଥିବା ଅବସରରେ ପ୍ରଶାସନିକ ଜୀବନର ରୀତିମତ ଫାଇଲ ଚାଷ ଭିତରୁ ବାହାରି ବିଭିନ୍ନ ଉନ୍ନୟନମୂଳକ ପଦକ୍ଷେପ ନେଇଥିବା ଅପରାଜିତା ନିଜର ଦ୍ୱିତୀୟ ଇନିଂସ୍ରେ ସେସବୁକୁ ଫୁଲ୍ ଟାଇମ୍ କରିବାର ଇଚ୍ଛା ରଖିଥିବା ଜଣାଯାଉଛି।
ଓଡ଼ିଆଙ୍କ ଆରାଧ୍ୟ ଦେବତା ଏବଂ ଲୋକଙ୍କ ସହଯୋଗ କାମନା କରି ସେ ଏହା ପୂର୍ବରୁ ଆଉ ଏକ ଟ୍ୱିଟ୍ ମଧ୍ୟ କରିଥିଲେ। ସେ ଏଥିରେ ଲେଖିଥିଲେ, “ମହାପ୍ରଭୁ ଜଗନ୍ନାଥଙ୍କ ରଥକୁ ସମସ୍ତେ ଟାଣନ୍ତି, କେହି ଜଣେ ନୁହେଁ। ଏକାଠି ପ୍ରୟାସ କଲେ ହିଁ କିଛି ବଡ଼ ସଫଳତା ମିଳିବ। ମୁଁ ନୁହେଁ ଆମେ।”
The holy chariot of Lord Jagannath is pulled by all , not by one person.
All big achievements are the outcome of combined efforts.
'WE', not 'I'.— Aparajita Sarangi (@AprajitaSarangi) November 16, 2018
ସେହିଭଳି ଭାସ୍କର ଶେଖର ରାୟ ନାମକ ଜଣେ ଟ୍ୱିଟର ବ୍ୟବହାରକାରୀ ତାଙ୍କର ଏହି ଟ୍ୱିଟ୍ ଥ୍ରେଡ୍ରେ ପରାମର୍ଶ ଦେଥିଲେ, “ଜଣେ ଶୁଭେଚ୍ଛୁ ଭାବେ ମୁଁ ଆପଣଙ୍କୁ କହିବାକୁ ଚାହେଁ ଆପଣ ଜଣେ ଦକ୍ଷ ପ୍ରଶାସକ ଭାବରେ ଓଡ଼ିଶାରେ ପରିଚିତ।ଆପଣ ରାଜନୀତିକୁ ଆସିବା ନେଇ ଚର୍ଚ୍ଚା ଆରମ୍ଭ ହୋଇଛି।ରାଜନୀତି ଗୋଟେ ଗୋଳିଆ ପାଣି ସଦୃଶ ।ତେଣୁ ଭାବିଚିନ୍ତି ପଦକ୍ଷେପ ନିଅନ୍ତୁ।ସମ୍ମାନ କେଉଁଠି ଆଗେ ଭାବନ୍ତୁ।” ଏହାର ଉତ୍ତର ରଖି ଅପରାଜିତା ଲେଖିଥିଲେ, “ମୁଁ ଆହ୍ୱାନ ପାଇଁ ସବୁବେଳେ ପ୍ରସ୍ତୁତ ଥାଏ। ଯଦି ଉଦ୍ଦେଶ୍ୟ ଭଲ ଥିବ ଏବଂ କଠିନ ପରିଶ୍ରମ କରିବାକୁ ଆମେ ପ୍ରସ୍ତୁତ ଥିବା ପୁରା ବ୍ରହ୍ମାଣ୍ଡ ଆମ ସମର୍ଥନରେ ଛିଡ଼ା ହେବ।”
ଅକ୍ଟୋବର ମାସରେ ହିଁ ସେ ଟ୍ୱିଟର ଦୁନିଆକୁ ବା ସାର୍ବଜନୀନ ସୋଶାଲ ମିଡିଆକୁ ଓହ୍ଲାଇଛନ୍ତି। ନଭେମ୍ବର ୪ ତାରିଖରେ ସେ କରିଥିବା ପ୍ରଥମ ଟ୍ୱିଟ୍ର ପ୍ରଥମ ଧାଡ଼ି ହିଁ ତାଙ୍କ ରାଜନୀତି କ୍ଷେତ୍ରରେ କିଛି କରି ଦେଖାଇବାର ଇଚ୍ଛାଶକ୍ତିକୁ ଦୃଢ଼ କରିଦେଇଛି। ସେଥିରେ ଲେଖା ଅଛି, “ମୋ ଜୀବନର ଲକ୍ଷ୍ୟ କେବଳ ତିଷ୍ଠି ରହିବା ନୁହେଁ, ବରଂ ସଫଳ ହେବା।”
The mission of my life is not just to SURVIVE, but to THRIVE. And to do so with some passion, some compassion, some humour and some style.
These words of Maya Angelou sum up the philosophy of my life and underline the essence of all my endeavours.
— Aparajita Sarangi (@AprajitaSarangi) November 4, 2018
ସେ ତାଙ୍କର ଏହି ନୂତନ ହ୍ୟାଣ୍ଡଲରଭାବେ କିଛି ସାମ୍ବାଦିକଙ୍କ ଅନୁସରଣ କରୁଥିବାବେଳେ ଏକମାତ୍ର ରାଜନେତାଭାବରେ ଓଡ଼ିଶା ବିଜେପିର ମୁହଁ କୁହାଯାଉଥିବା ଧର୍ମେନ୍ଦ୍ର ପ୍ରଧାନଙ୍କୁ ଅନୁସରଣ କରୁଛନ୍ତି। ଏହା କିଛି ମାତ୍ରାରେ ଆମର ପୂର୍ବାନୁମାନକୁ ସ୍ପଷ୍ଟ କରିଦେଉଛି।
ପଢ଼ନ୍ତୁ ଅପରାଜିତା ଷଡ଼ଙ୍ଗୀଙ୍କ ରାଜନୀତିକ ଭବିଷ୍ୟତ ବାବଦରେ ଏହି ଖବର।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
