ଜଗତସିଂହପୁର: ଜଗତସିଂହପୁର ଜିଲ୍ଲାପାଳଙ୍କ କାର୍ଯ୍ୟାଳୟରେ ଜଣେ ମହିଳା ସାମ୍ବାଦିକଙ୍କୁ ମାରପିଟ କରାଯାଉଥିବା ଦେଖିବାକୁ ମିଳିଛି। ରାଜ୍ୟ ମହିଳା ଆୟୋଗର କ୍ୟାମ୍ପ କୋର୍ଟ ଆରମ୍ଭ ହେବା ପୂର୍ବରୁ ଏଭଳି ଦୃଶ୍ୟ ଦେଖିବାକୁ ମିଳିଥିଲା। ରେଜିଷ୍ଟ୍ରେସନକୁ ନେଇ ମହିଳା ସାମ୍ବାଦିକ ଓ ଆୟୋଗଙ୍କ ଷ୍ଟେନୋ ତ୍ରିଲୋଚନ ନାୟକଙ୍କ ମଧ୍ୟରେ କଥା କଟାକଟି ହୋଇଥିଲା। ତା’ପରେ ଦୁଇ ଜଣ ହାତାହାତି ହୋଇଥିଲେ। ମହିଳା ଆୟୋଗର କର୍ମକର୍ତ୍ତା ପହଞ୍ଚି ବୁଝାଶୁଝା କରିଥିଲେ। ତେବେ ଏ ନେଇ କାହା ନାଁରେ ମାମଲା ରୁଜୁ କରାଯାଇ ନାହିଁ। ଘଟଣା ସ୍ଥଳରେ ପୋଲିସ୍ ପହଞ୍ଚି ତଦନ୍ତ ଆରମ୍ଭ କରିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।