ଭୁବନେଶ୍ୱର: ଖୋର୍ଦ୍ଧା ଜିଲ୍ଲା ମଧୁପୁର ଗ୍ରାମ୍ୟ ଜଙ୍ଗଲରୁ ମୟୂରଙ୍କ ମୃତଦେହ ଠାବ ଘଟଣାର ଅନୁଧ୍ୟାନ କରିବା ପାଇଁ ଆଜି ଓୟୁଏଟିର ଏକ ଡାକ୍ତରୀ ଟିମ୍ ଓ ବିଶେଷଜ୍ଞ ଦଳ ଘଟଣାସ୍ଥଳକୁ ଯିବ। ଗତକାଲି ସେଠାରୁ ୨୦ଟି ମୟୂରଙ୍କ ମୃତଦେହ ଠାବ କରାଯାଇଥିଲା। କେଉଁ କାରଣରୁ ଏତେ ସଂଖ୍ୟକ ମୟୂରଙ୍କ ଏକକାଳୀନ ମୃତ୍ୟୁ ହୋଇଛି ତାହା ସ୍ପଷ୍ଟ ହୋଇନି। କେବଳ ମୟୁର ନୁହେଁ ଗୋଟେ କାଉ ଏବଂ ଗୋଟେ ବଗର ମୃତଦେହ ମଧ୍ୟ ମିଳିଛି। ମୟୂରଙ୍କ ମୃତଦେହ ଓୟୁଏଟିକୁ ପୋଷ୍ଟମର୍ଟମ୍ ପାଇଁ ଅଣାଯାଇଛି। ତେବେ ମୟୂରଗୁଡ଼ିକୁ ଫ୍ଲୁ ହୋଇଥିବା ନଚେତ୍ ବିଷ ଦିଆଯାଇ ମରାଯାଇଥିବା ସନ୍ଦେହ କରାଯାଉଛି। ପୋଷ୍ଟମର୍ଟମ୍ ପରେ ମୃତ୍ୟୁର କାରଣ ସ୍ପଷ୍ଟ ହେବା ଆଶା କରାଯାଉଛି। ସେହିପରି ବାର୍ଡ ଫ୍ଲୁ ସଂପର୍କରେ ଅନୁଧ୍ୟାନ ଲାଗି ମୃତ ମୟୂରଙ୍କ ଦେହରୁ ନମୁନା ସଂଗ୍ରହ କରାଯାଇଛି। ପରୀକ୍ଷା ପାଇଁ ଏହାକୁ ଭୋପାଳ ପଠାଯିବ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
