କେନ୍ଦୁଝର ଗୁଣିଗାରେଡ଼ି ହତ୍ୟା ଘଟଣା: ଆଉ ୭ ଗିରଫ

କେନ୍ଦୁଝର : କେନ୍ଦୁଝର ଜିଲ୍ଲା ଲହଣ୍ଡାରେ ଗୁଣିଗାରେଡ଼ି ସନ୍ଦେହରେ ୬ଜଣଙ୍କୁ ହତ୍ୟା ଘଟଣାରେ ପୋଲିସ୍ ଆଉ ୭ ଜଣଙ୍କୁ ଗିରଫ କରିଛି। ଗତକାଲି ପୋଲିସ ୨ ଜଣଙ୍କୁ ଗିରଫ କରିଥିଲା। କ୍ରାଇମ୍ବବ୍ରାଞ୍ଚ ଏଡିଜି ବିଜୟ କୁମାର ଶର୍ମା ଏହି ସୂଚନା ଦେଇଛନ୍ତି। ନିଜେ ଏଡିଜି ଆଜି କେନ୍ଦୁଝର ଗସ୍ତରେ ଯାଇ ଘଟଣାର ତଦାରଖ କରିଛନ୍ତି। ଆଜି ଆଉ ୭ ଜଣଙ୍କୁ ଗିରଫ କରିବା ପରେ ଏହି ଘଟଣାରେ ମୋଟ ଗିରଫ ସଂଖ୍ୟା ୯ରେ ପହଞ୍ଚିଛି।

ସୂଚନାଯୋଗ୍ୟ ଗତ ରବିବାର ରାତିରେ ଲହଣ୍ଡା ମୁଣ୍ଡାସାହିରେ ଏହି ନାରକୀୟ ଘଟଣା ଘଟିଥିଲା। ଗୁଣି ସନ୍ଦେହରେ ଗୋଟିଏ ପରିବାରର ୬ ଜଣଙ୍କୁ ହତ୍ୟା କରିଥିଲେ। ଆକ୍ରମଣରେ ଗୁରୁତର ହୋଇ ପଡ଼ିଥିବା ଅନ୍ୟ ଦୁଇଜଣ ଏବେ ଚିକିତ୍ସାଧୀନ ଅଛନ୍ତି। ଏହି ବୀଭତ୍ସ କାଣ୍ଡକୁ ରାଜ୍ୟ ପୋଲିସ୍ ରେଡ୍ ଫ୍ଲ।ଗ ଶ୍ରେଣୀଭୁକ୍ତ କରିଥିବାରୁ କ୍ରାଇମବ୍ରାଞ୍ଚ ପୂରା ମାମଲାର ତଦାରଖ କରୁଛି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।