ଘରେ ପଶି ସ୍ୱାମୀ-ସ୍ତ୍ରୀଙ୍କୁ ବନ୍ଧୁକ ଦେଖାଇ ଲୁଟିଲେ

କେନ୍ଦୁଝର (ଓଡ଼ିଶା ରିପୋର୍ଟର):କେନ୍ଦୁଝର ଜିଲ୍ଲା ସଦର ଥାନା ଟିକରପଡ଼ା ଗାଁରେ ସଶସ୍ତ୍ର ଡକାୟତି ହୋଇଛି। ରାତି ୯ଟା ବେଳେ ଘରେ ପଶି ସ୍ୱାମୀ-ସ୍ତ୍ରୀଙ୍କୁ ବନ୍ଧୁକ ଦେଖାଇ ଲୁଟି ନେଲେ ସୁନା ଅଳଙ୍କାର, ନଗଦ ଟଙ୍କା ଓ ବାଇକ୍ । ଅଭିଯୋଗ ଅନୁସାରେ ପ୍ରାୟ ୮ ଜଣ ଡକାୟତ ଟିକରପଡ଼ା ଗାଁର ନରେନ୍ଦ୍ର ବେହେରାଙ୍କ ଘରେ ପଶିଥିଲେ।

ନରେନ୍ଦ୍ର ଓ ତାଙ୍କ ସ୍ତ୍ରୀଙ୍କୁ ବନ୍ଧୁକ ଦେଖାଇ ଘରେ ଥିବା ସମସ୍ତ ସୁନା ଅଳଙ୍କାର, ନଗଦ ଟଙ୍କା ଓ ଏକ ବାଇକ୍  ଲୁଟ୍  କରି ଫେରାର ହୋଇଯାଇଥିଲେ। ଖବର ପାଇ ସଦର ଥାନା ପୁଲିସ ଘଟଣାର ଛାନଭିନ୍ ଚଳାଇଥିଲେ ବି ଡକାୟତଙ୍କ ସମ୍ପର୍କରେ କିଛି ସୁରାକ୍  ପାଇନି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।