ଦିଦି ପିନ୍ଧିବେ ବୟନିକା ଶାଢ଼ି

ଭୁବନେଶ୍ୱର(ଓଡ଼ିଶା ରିପୋର୍ଟର): ଚଳିତ ଶିକ୍ଷାବର୍ଷଠାରୁ ରାଜ୍ୟର ବିଭିନ୍ନ ସ୍କୁଲର ଶିକ୍ଷୟିତ୍ରୀ ପିନ୍ଧିବେ ବୟନିକା ଶାଢ଼ି। ପ୍ରଥମ ପର୍ଯ୍ୟାୟରେ ହାଇସ୍କୁଲ ଓ ୟୁପି ସ୍କୁଲ ଶିକ୍ଷୟିତ୍ରୀ ଏଭଳି ଶାଢ଼ି ପିନ୍ଧିବେ ବୋଲି ଆଜି ସଚିବାଳୟରେ ଆୟୋଜିତ ବୈଠକ ପରେ ବୟନଶିଳ୍ପ ମନ୍ତ୍ରୀ ସ୍ନେହାଙ୍ଗିନୀ ଛୁରିଆ ଏନେଇ ସୂଚନା ଦେଇଛନ୍ତି।

ସେ କହିଛନ୍ତି,“୨ୟ ପର୍ଯ୍ୟାୟରେ କଲେଜ ଏବଂ ସ୍କୁଲ ଛାତ୍ରଛାତ୍ରୀଙ୍କ ୟୁନିଫର୍ମ ମଧ୍ୟ ବୟନିକା କପଡ଼ାରେ ହେବ। ପରେ ଶିକ୍ଷକଙ୍କ ପାଇଁ ୟନିଫର୍ମ ନେଇ ଚିନ୍ତା କରାଯିବ। ପିଲାଙ୍କ ୟୁନିଫର୍ମ ରଙ୍ଗ ପୂର୍ବଭଳି ରହିବ। ମାତ୍ର କ୍ୱାଲିଟି ବଦଳାଯିବ।”

ବୁଣାକାରଙ୍କୁ  ସ୍ୱଚ୍ଛଳ କରାଯିବା ସହ ବର୍ଷ ସାରା କାମ ଦେବାକୁ ପ୍ରୟାସ କରାଯାଉଥିବା ମନ୍ତ୍ରୀ  କହିଛନ୍ତି।

This website uses cookies to improve your experience. We'll assume you're ok with this, but you can opt-out if you wish. AcceptRead More