ଭୁବନେଶ୍ୱର(ଓଡ଼ିଶା ରିପୋର୍ଟର): ନୂଆ ବର୍ଷରେ ସାଙ୍ଗସାଥୀଙ୍କୁ ଉପହାର ଦେବା ସମୟରେ ପ୍ଲାଷ୍ଟିକ ସାମଗ୍ରୀ ବ୍ୟବହାର କମ୍ କରିବା ନିମନ୍ତେ ଧ୍ୟାନ ରଖିବାକୁ ପରାମର୍ଶ ଦେଇଛି ବିଏମ୍ସି। ତେଣୁ ଏହି ନୂଆବର୍ଷରେ ନିଜ ପ୍ରିୟ ପରିଜନଙ୍କୁ ଗଛ, ବହି ଓ ସ୍ଥାନୀୟ ହସ୍ତକଳା ଓ ହସ୍ତଶିଳ୍ପ ଶିଳ୍ପର ସାମଗ୍ରୀ ଉପହାର ଦେବାକୁ ଆହ୍ୱାନ ଦେଇଛି ବିଏମ୍ସି। ଏହା ଦ୍ୱାରା ଉପହାରକୁ ପ୍ଲାଷ୍ଟିକ ସାମଗ୍ରୀରେ ପ୍ୟାକ୍ କରିବାକୁ ପଡ଼ିବ ନାହିଁ । ଫଳରେ ପ୍ଲାଷ୍ଟିକ ଆବର୍ଜନା ହ୍ରାସ ପାଇବ ବୋଲି କହିଛି ବିଏମ୍ସି।
ଆସନ୍ତା ନୂଆ ବର୍ଷରୁ ଏହି ନୂଆ ଅଭ୍ୟାସ କରି ସ୍ମାର୍ଟ ସିଟି ଭୁବନେଶ୍ୱରକୁ ସଫା ସୁତୁରା ଓ ସବୁଜ ରଖିବା ଆମ ସମସ୍ତଙ୍କ ସାମଗ୍ରିକ ଦାୟିତ୍ୱ ବୋଲି ବିଏମ୍ସି କହିଛି । ସମସ୍ତଙ୍କ ସହଯୋଗ ଓ ସକ୍ରିୟ ଭୂମିକା ବଳରେ ଏହି ଲକ୍ଷ୍ୟ ପୂରଣ ହୋଇପାରିବ ବୋଲି ବିଏମ୍ସି କମିଶନର୍ ପ୍ରେମଚନ୍ଦ ଚୌଧୁରୀ କହିଛନ୍ତି ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
