ବଲାଙ୍ଗିର (ଘଟେଶ୍ୱର ମିଶ୍ର): ବଲାଙ୍ଗିର ଜିଲ୍ଲାର କୁଖ୍ୟାତ ଅପରାଧୀ ତଥା ଜମି ମାଫିଆ ଶ୍ରୀକାନ୍ତ କୁମ୍ଭାର ଓରଫ ଟିମ୍ନ ବିରୋଧରେ ଏନ୍ଏସ୍ଏ ଲାଗୁ ହୋଇଛି। ଟିମନ୍ ନାଁରେ ବାରମ୍ୱାର ଅପରାଧିକ ମାମଲା ଆସୁଥିବାରୁ ଏସ୍ପିଙ୍କ ସହ ଆଲୋଚନା କରିବା ପରେ ଜିଲ୍ଲାପାଳ ଏହି ନିଷ୍ପତ୍ତି ନେଇଛନ୍ତି।
ଗତକିଛି ବର୍ଷ ହେଲା ଟିମନ୍ ନାଁରେ ହତ୍ୟା, ମାରପିଟ୍, ଦାଦାବଟି ଆଦାୟ, ବେଆଇନ୍ ଜମି କାରବାର ବିଭିନ୍ନ ଅପରାଧିକ ମାମଲା ରହିଛି। ଏହି ମାମଲା ଗୁଡ଼ିକ ବଲାଙ୍ଗିର ଟାଉନ୍ ଓ ସଦର ଥାନାରେ ରହିଛି। ପୁଲିସ ତାଙ୍କୁ ବାରମ୍ୱାର ଗିରଫ କରୁଥିଲେ ମଧ୍ୟ ସେ ଜାମିନ୍ରେ ଆସି ପୂର୍ବ ପରି ଅପରାଧିକ କାର୍ଯ୍ୟରେ ଲିପ୍ତ ରହୁଥିଲେ।
ଟିମନ ନାଁରେ ବାରମ୍ୱାର ଗୁରୁତର ଅଭିଯୋଗ ଆସିବାରୁ ଏନ୍ଏସ୍ଏ ଲଗାଇବାକୁ ବଲାଙ୍ଗିର ଏସ୍ପି ଜିଲ୍ଲା ପ୍ରଶାସନକୁ ଅନୁରୋଧ କରିଥିଲେ। ଏସ୍ପି କେ.ଶିବା ସୁବ୍ରମଣୀଙ୍କ ସହ ଆଲୋଚନା କରିବା ପରେ ଜିଲ୍ଲାପାଳ ଅରିନ୍ଦମ ଡାକୁଆ ଆଜି ଟିମ୍ନ କୁମ୍ଭାର ବିରୋଧରେ ଏନ୍ଏସ୍ଏ ଲାଗୁ କରିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
