ଭୁବନେଶ୍ୱର: ଭଗବାନ ବୁଦ୍ଧଙ୍କ ଜନ୍ମସ୍ଥଳୀରେ ଦୌଡିବେ ଚର୍ଚ୍ଚିତ ଧାବକ ବୁଦ୍ଧିଆ ସିଂ। ଚଳିତ ମାସ ୧୫ ତାରିଖରେ ନେପାଳର ଲୁମ୍ବିନୀସ୍ଥିତ କପିଳବସ୍ତୁରେ ହେବାକୁ ଥିବା ମାଉଣ୍ଟ ଏଭରେଷ୍ଟ ମାରାଥନରେ ଭାଗ ନେଉଛନ୍ତି ବୁଦ୍ଧିଆ ସିଂ।
ମାଉଣ୍ଟ ଏଭରେଷ୍ଟ ମାରାଥନ ବା ତେଞ୍ଜିଂ ହିଲାରି ମାରାଥନ ଦୌଡ଼ ଆସନ୍ତା ୨୯ ତାରିଖରେ ହେଉଛି। ତା’ ପୂର୍ବରୁ ନେପାଳର ଜାତୀୟ ସ୍ତରୀୟ ଧାବକ ଓ ଅଲିମ୍ପିଆନ୍ସଙ୍କୁ ନେଇ ଆୟୋଜିତ ହେଉଥିବା ଶାନ୍ତି ମଶାଲ ଦୌଡ଼ରେ ଅନ୍ୟତମ ଅତିଥି ଭାବେ ସାମିଲ ହେବେ ବୁଦ୍ଧିଆ ସିଂ। ଏହି ଦୌଡ଼ ଅବସରରେ ବୁଦ୍ଧିଆ ବୁଦ୍ଧ ଶାନ୍ତି ମଶାଲ ଧରିବେ।
ଶାନ୍ତି ମଶାଲ ଦୌଡରେ ଭାଗ ନେବା ପାଇଁ ବୁଦ୍ଧିଆ ସିଂଙ୍କୁ ଆୟୋଜକଙ୍କ ତରଫରୁ ନିମନ୍ତ୍ରଣ ମିଳିଛି। ଏଥିପାଇଁ ବୁଦ୍ଧିଆ ଆସନ୍ତାକାଲି ଭୁବନେଶ୍ୱରରୁ ବିମାନ ଯୋଗେ କାଠମାଣ୍ଡୁ ଯିବେ। ତିନି ଦିନ ରହିବା ପରେ ସେ ୧୭ ତାରିଖରେ ଓଡିଶା ଫେରିବେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
