ଡେପୁଟେସନରେ ଗଲେ ଏସ.ଏନ.ଗିରିଶ

ଭୁବନେଶ୍ୱର(ଓଡ଼ିଶା ରିପୋର୍ଟର): ୨୦୦୨ ବ୍ୟାଚ ଆଇଏଏସ୍ ତଥା ରାଜ୍ୟ ସାଧାରଣ ପ୍ରଶାସନ ବିଭାଗର ସ୍ୱତନ୍ତ୍ର ସଚିବ ଏସ୍.ଏନ.ଗିରିଶଙ୍କୁ ବେଙ୍ଗାଲୁରୁସ୍ଥିତ ସିଲେକ୍ସନ୍ କମିଶନରେ ଆଞ୍ଚଳିକ ନିର୍ଦ୍ଦେଶକ ଭାବେ ନିଯୁକ୍ତି ମିଳିଛି। ସେହିପରି ୧୯୯୫ ବ୍ୟାଚ୍ ଆଇଆରଏସ୍ ସୋମନାଥ ହାଁସଦାଙ୍କୁ ଭୁବନେଶ୍ୱରରେ ନବରତ୍ନ କମ୍ପାନୀ ନାଲକୋର ଚିଫ୍ ଭିଜିଲାନ୍ସ ଅଫିସର ଭାବେ ଅବସ୍ଥାପିତ କରାଯାଇଛି। ଏମାନଙ୍କ ବ୍ୟତୀତ କୋଲକାତା ପୋର୍ଟ ଟ୍ରଷ୍ଟର ଚିଫ୍ ଭିଜିଲାନ୍ସ ଅଫିସର ତଥା ୨୦୦୦ ବ୍ୟାଚର ଆଇଏଫଏସ୍ ଅଫିସର ପ୍ରୀତି ମାହତୋଙ୍କୁ ପାରାଦୀପ ପୋର୍ଟ ଟ୍ରଷ୍ଟର ଚିଫ୍ ଭିଜିଲାନ୍ସ ଅଫିସର ଭାବେ ଅତିରିକ୍ତ ଦାୟିତ୍ୱ ମିଳିଛି।