ସବୁ ନାଟ ଲଗାଇଲା ସଂସ୍କୃତି ବିଭାଗ: ୧୮୧୭ରୁ ଇତିହାସ ଲେଖିବାକୁ ଥିଲା ନିର୍ଦ୍ଦେଶ

<p>ଭୁବନେଶ୍ୱର(ଓଡ଼ିଶା ରିପୋର୍ଟର): ସହିଦ ଜୟୀ ରାଜଗୁରୁ। ମାଟିର ଏହି ମହାସଂଗ୍ରାମୀଙ୍କୁ ଶ୍ରଦ୍ଧାଞ୍ଜଳି ଦେଉଛି କୃତଜ୍ଞ ଜାତି। ୨୧୧ ତମ ଶ୍ରାଦ୍ଧବାର୍ଷିକୀରେ ନିଜ ଜନ୍ମମାଟି ପୁରୀ ଜିଲ୍ଲା ବୀରହରେକୃଷ୍ଣପୁର ଗାଁ ପୋଖରୀରେ ତିଳତର୍ପଣ କରାଯାଉଛି। ହେଲେ ଆଜିର ଦିନରେ ଏ ଦେଶ ପାଇଁ ତାଙ୍କ ଅବଦାନକୁ ନେଇ ଚାଲିଛି ଲଢ଼େଇ। ଜୟୀ ରାଜଗୁରୁଙ୍କ ବାଦ ଦେଇ ୧୮୧୭ରୁ ଇତିହାସ ଲେଖିବାକୁ ନିର୍ଦ୍ଦେଶ ଦିଆଯାଇଥିଲା। ଐତିହାସି ବିସି ରାୟଙ୍କ ନେତୃତ୍ୱରେ ଗଠିତ କମିଟିରେ ସଦସ୍ୟ ଥିବା ଐତିହାସିକ ପ୍ରଫୁଲ୍ଲ ପଟ୍ଟନାୟକଙ୍କ ଚିଠିରୁ ଏହା ସ୍ପଷ୍ଟ ହୋଇଛି।</p><p>ଜୟୀ ରାଜଗୁରୁ ସ୍ୱାଧୀନତା ସଂଗ୍ରାମୀ ନୁହଁନ୍ତି। ଏକଥା ଆମେ କହୁନୁ, କିଛି ଦିନ ତଳେ କହିଥିଲେ ରାଜ୍ୟର ବରିଷ୍ଠ ମନ୍ତ୍ରୀ ଦାମୋଦର ରାଉତ। ଏହି ମନ୍ତବ୍ୟର ପ୍ରାୟ ୧୨ ଦିନ ପରେ, ଆଜି ଶ୍ରାଦ୍ଧଦିବସରେ ଶ୍ରଦ୍ଧାଞ୍ଜଳି ଜଣାଇବାକୁ ଯାଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହି ମହାପୁରୁଷଙ୍କୁ ସ୍ୱାଧୀନତା ସଂଗ୍ରାମର ପ୍ରଥମ ଓଡ଼ିଆ ସହିଦ ଦର୍ଶାଇ ଟ୍ୱିଟ୍ କରିଛନ୍ତି। ଏପରିକି ଜୟୀ ରାଜଗୁରୁଙ୍କୁ ଭକ୍ତିପୂତ ଶ୍ରଦ୍ଧାଞ୍ଜଳି ଜଣାଇଛନ୍ତି। ସିଧାସଳଖ ନହେଲେ ବି ଦାମ ଦେଇଥିବା ମନ୍ତବ୍ୟକୁ ଭୁଲ୍ ବୋଲି ଦର୍ଶାଇ ଏ ସଂପର୍କରେ ଏକପ୍ରକାର ସରକାରୀ ପକ୍ଷ ସ୍ପଷ୍ଟ କରିଛନ୍ତି। ହେଲେ ଦାମ କିନ୍ତୁ ନିଜ ମତରେ ନଛୋଡ଼ବନ୍ଦା। ସେ କହିଛନ୍ତି,&ldquo;ମୁଁ ମାନିବି ନି, ଇତିହାସକୁ ବଦଳାଇ ପାରିବିନି।&rdquo;</p><p>ସେ କହିଛନ୍ତି-&ldquo;ଜୟୀ ରାଜଗୁରୁ ସ୍ୱାଧୀନତା ସଂଗ୍ରାମୀ ନୁହଁନ୍ତି ବୋଲି ବିଶିଷ୍ଟ ଐତିହାସିକ ବିସି ରାୟଙ୍କ ନେତୃତ୍ୱରେ ଗଠିତ କମିଟି ଦୁଇଟି ଭଲ୍ୟୁମ୍&zwnj; ଲେଖିଥିଲେ। କିଏ କିଣ କହିଲେ, ସେ ସମ୍ପର୍କରେ ମୋତେ ପଚାରନ୍ତୁ ନାହିଁ।&rdquo;</p><p>ତେବେ ଏଠି ପ୍ରଶ୍ନ ଉଠୁଛି ଇତିହାସ ବଦଳାଇବାକୁ କେଉଁଠି ଉଦ୍ୟମ ହୋଇଥିଲା। ଓଟିଭିର ହସ୍ତଗତ ହୋଇଥିବା ଐତିହାସିକ ପ୍ରଫୁଲ୍ଲ ପଟ୍ଟନାୟକଙ୍କ ୨୦୦୪ ମସିହାର ଏ ଚିଠିରେ ରହିଛି ତାର ପ୍ରମାଣ। ଯେଉଁଥିରେ ଉଲ୍ଲେଖ ରହିଛି, ଯେତେବେଳେ ରାଜ୍ୟର ସଂସ୍କୃତି ମନ୍ତ୍ରୀ ଥିଲେ ଦାମୋଦର, ସେତେବେଳେ &lsquo;ଅଥେଣ୍ଟିକ୍ କ୍ରୋନିକିଲ୍ ଅଫ୍ ଫ୍ରିଡମ୍ ମୁଭମେଣ୍ଟ ଇନ୍ ଓଡ଼ିଶା&rsquo; ଶୀର୍ଷକ ସଂକଳନ ଲେଖିବା ପାଇଁ ଐତିହାସିକ ବି.ସି.ରାୟ କମିଟିକୁ ଦାୟିତ୍ୱ ଦିଆଯାଇଥିଲା। ଯାହାର ପ୍ରଥମ ଅଧ୍ୟାୟ &lsquo;ଆଣ୍ଟି କଲୋନିଆଲ୍ ଷ୍ଟ୍ରଗଲ୍ ଇନ୍ ଖୋର୍ଦ୍ଧା ୧୮୧୭&rsquo; ସଂପର୍କରେ ଲେଖିବାକୁ ଐତିହାସିକ ପ୍ରଫୁଲ୍ଲ ପଟ୍ଟନାୟକଙ୍କୁ ଦାୟିତ୍ୱ ଦିଆଯାଇଥିଲା। ତେବେ ପବବର୍ତ୍ତୀ ସମୟରେ ୧୮୦୪ରୁ ଖୋର୍ଦ୍ଧା ଇତିହାସ ଲେଖାନଗଲେ ଜୟୀ ରାଜଗୁରୁଙ୍କ ବିଷୟ ବାଦ୍ ପଡ଼ିଯିବ ବୋଲି ପ୍ରଫୁଲ୍ଲ ପଟ୍ଟନାୟକ ସୁପରିନ୍&zwnj;ଟେଣ୍ଡେଣ୍ଟ୍&zwnj; ଆର୍କାଇଭ୍ ଓ ସଂସ୍କୃତି ବିଭାଗକୁ ଅବଗତ କରାଇଥିଲେ। ହେଲେ ସରକାରଙ୍କ ପକ୍ଷରୁ କେବଳ ୧୮୧୭ ମସିହାରୁ ଲେଖିବାକୁ ବାଧ୍ୟ କରାଯାଇଥିଲା ବୋଲି ଐତିହାସିକ ପ୍ରଫୁଲ୍ଲ ପଟ୍ଟନାୟକ ଏହି ଚିଠିରେ ଉଲ୍ଲେଖ କରିଛନ୍ତି। ଏବେ ଐତିହାସିକ ପ୍ରଫୁଲ୍ଲ ପଟ୍ଟନାୟକ ଓ ଜୟୀ ରାଜୁଗୁରୁଙ୍କ ଏକ ହାତଲେଖା ଚିଠିକୁ ସାମ୍ନାକୁ ଆଣିଛି ଜୟୀ ରାଜଗୁରୁ ସ୍ମୃତି ପରିଷଦ। ୨୦୦୪ ମସିହାରେ ହିଁ ସଂସ୍କୃତି ବିଭାଗ ପକ୍ଷରୁ ଇତିହାସକୁ ମୋଡ଼ିବାକୁ ଉଦ୍ୟମ ହୋଇଥିଲା ବୋଲି ଜୟୀ ରାଜଗୁରୁ ସ୍ମୃତି ପରିଷଦ ଅଭିଯୋଗ କରିଛି।</p><p>ଐତିହାସିକ ପ୍ରଫୁଲ୍ଲ ପଟ୍ଟନାୟକଙ୍କ ଏ ଚିଠି ବିବାଦକୁ ନୂଆ ମୋଡ଼ ଦେଇଥିବା ବେଳେ ଜୟୀ ରାଜଗୁରୁ ସ୍ମୃତି ପରିଷଦ ପକ୍ଷରୁ୧୮୦୪ରୁ ୧୮୧୭ ମସିହା ପର୍ଯ୍ୟନ୍ତ ଓଡ଼ିଶା ସ୍ୱାଧୀନତା ସଂଗ୍ରାମ ଇତିହାସର ପୁନଃଲିଖନ ପାଇଁ ଉଦ୍ୟମ ଆରମ୍ଭ କରିଛି।</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।