ବାରିପଦା(ମାଣିକଲାଲ୍ ପାଣି): ମୟୂରଭଞ୍ଜ ଜିଲ୍ଲା ୧୮ ନମ୍ୱର ଜାତୀୟ ରାଜପଥର ବୈଶିଙ୍ଗା ବଜାର ନିକଟରେ ଏକ ସ୍କୁଟି ଭାରସାମ୍ୟ ହରାଇ ରାସ୍ତା ତଳକୁ ଖସି ପଡ଼ିବାରୁ ଜଣଙ୍କର ମୃତ୍ୟୁ ଘଟିଥିବା ବେଳେ ଦୁଇ ଗୁରୁତର ଆହତ ହୋଇଛନ୍ତି। ମୃତାହତଙ୍କ ଘର ବୈଶିଙ୍ଗା ଥାନା ଅନ୍ତର୍ଗତ ବାଲିଚିତର ଗାଁରେ। ମୃତକଙ୍କ ନାଁ କାଳିଆ ବାସ୍କେ। ଆହତଦ୍ୱୟ ହେଲେ ତପନ ଟୁଡୁ ଓ ଲାଦର ସିଂ।
ଗତକାଲି ବିଳମ୍ୱିତ ରାତିରେ ଏହି ତିନି ଜଣ ଯୁବକ ସ୍କୁଟିରେ ବାଲେଶ୍ୱର ଆଡୁ ଦ୍ରୁତ ଗତିରେ ବୈଶିଙ୍ଗା ଅଭିମୁଖେ ଯାଉଥିବା ବେଳେ ପାଟ୍ରୋଲିଂ କରୁଥିବା ଏକ ପୁଲିସ୍ ଟିମ୍ ଦେଖିଥିଲା।
ଆଜି ଭୋର ସେମାନେ ରାସ୍ତା ତଳେ ପଡ଼ିଥିବା ଦେଖି ପୁଲିସ୍ ସମସ୍ତଙ୍କୁ ସ୍ଥାନୀୟ ଡାକ୍ତରଖାନାରେ ଭର୍ତ୍ତି କରିଥିଲା। ଦୁଇ ଗୁରୁତରଙ୍କୁ ବାରିପଦା ଡାକ୍ତରଖାନାକୁ ସ୍ଥାନାନ୍ତର କରାଯାଇଛି। ତେବେ ଏମାନେ ସମସ୍ତେ ନୂଆ ସ୍କୁଟି ଧରି କୁଆଡ଼େ ଯାଉଥିଲେ, ତାହା ସ୍ପଷ୍ଟ ହୋଇପାରିନି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
