ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର (ଓଡ଼ିଶା ରିପୋର୍ଟର): ମରୁଡ଼ି ଓ ରୋଗପୋକ ପରେ ଏବେ ଲଘୁଚାପ ବର୍ଷା ଓଡ଼ିଶାର ଚାଷୀଙ୍କ ଉପରେ ଦାଉ ସାଜିଛି। ଲଘୁଚାପ ବର୍ଷା ଯୋଗୁଁ କ୍ଷେତରେ ନଷ୍ଟ ହେଉଛି ଧାନ ଫସଲ। କଟା ହୋଇ ବିଲରେ ପଡିଥିବା ଧାନ ଏବେ ପାଣିରେ ଭାସୁଛି।</p> <p>ଭଦ୍ରକ ଜିଲ୍ଲାର ଚାନ୍ଦବାଲି ବ୍ଲକ ଅଞ୍ଚଳରେ ସ୍ଥିତି ଅତ୍ୟନ୍ତ ଗମ୍ଭୀର। ବ୍ଲକର ୩୯ଟି ପଞ୍ଚାୟତରେ ୩୩ ହଜାର ହେକ୍ଟର ଚାଷ ଜମିରେ ଧାନ ଫସଲ ନଷ୍ଟ ହୋଇଯାଇଛି।</p> <p>ସେହିପରି ଅଦିନିଆ ବର୍ଷା ବଣାଇରେ ଚାଷୀଙ୍କ ଚିନ୍ତା ବଢ଼ାଇ ଦେଇଛି। ବର୍ଷାକୁ ଦେଖି ଚାଷୀମାନେ ଆଗୁଆ ଧାନ କାଟି ପକାଇଛନ୍ତି। ଏବେ ସମସ୍ତଙ୍କୁ ଗୋଟିଏ ଚିନ୍ତା ଘାରିଛି ବର୍ଷା ବର୍ଷକର ସବୁ ପରିଶ୍ରମକୁ ମାଟିରେ ମିଶାଇଦେବ।</p> <p>ବାଲେଶ୍ୱର ଜିଲ୍ଲା କଥା ନକହିବା ଭଲ। ଦୁଇଦିନର ଲଗାଣ ବର୍ଷାରେ ଉଜୁଡି ଯାଇଛି ପାଚିଲା ଧାନ ଫସଲ। ଔପଦା ବ୍ଲକର ଚାଷୀ ମୁଣ୍ଡରେ ହାତଦେଇ ବସିଛନ୍ତି। ଅଦିନିଆ ବର୍ଷାରେ ଜମିରେ ପାଚିଲା ଧାନ ଗଜା ହେବାକୁ ବସିଲାଣି।</p> <p>ପୁରୀ ସଦର ବ୍ଲକର ଭାରତୀପୁର ମୌଜାରେ ମଧ୍ୟ ଫସଲ ବ୍ୟାପକ କ୍ଷତି ହୋଇଛି।</p> <p>ରାଜ୍ୟର ବିଭିନ୍ନ ସ୍ଥାନରେ ଗତ ୨ ଦିନ ହେବ ବର୍ଷା ଲାଗି ରହିଛି। ଫଳରେ ଚାଷ ଗଭୀର ଭାବେ ପ୍ରଭାବିତ ହୋଇଛି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
